Fitch reitingtik agenttigi eń joǵary baǵany TMD elderi ishinde Qazaqstannyń bank sektoryna berip otyr. Bul nemen bailanysty ekenin Dalanews.kz saitynan oqyp-bile otyryńyzdar.
"Bólshek nesieleý qyzmetine, sonyń ishinde joǵary paiyzdyq syiaqy mólsherlemer tabysyna únemi jiti nazar aýdarýdyń arqasynda Qazaqstannyń bank sektory 2025 jyly da joǵary rentabeldi bolyp qala bermek", delingen Fitch sholýynda.
Fitch aldaǵy jyly da bul sektordyń negizgi tiimdi kórsetkishteri sol kúiinde joǵary bolyp qalady dep kútedi. Banktik operatsiialarǵa salynatyn salyqtardyń yqtimal ósimi nesielendirý sektoryna aitarlyqtai áseri bolmaidy.
"Bankter biylǵy jyly taǵy da joǵary rentabeldilikti kórsetti: menshikti kapitaldyń ortasha rentabeldiligi (ROE) 2024 jyldyń 9 aiynda 34% qurap, 2022-2023 jyldardaǵy deńgeilerge sai keldi. Bankter QR Ulttyq banktiń bazalyq syiaqy mólsherlemesin aqyryndap tómendetip (biyl 150 pýntke tústi) jatqanyna qaramastan áli de joǵary naryqtyq paiyzdyq mólsherlemelerden paida kórýde", delingen habarlamada.
Ulttyq bank statistikasyna sáikes, teńge túrindegi jańadan tartylǵan bólshek nesieler boiynsha ortasha paiyzdyq syiaqy mólsherlemesi shamamen 2024 jyldyń 9 aiynda 100 bazistik tarmaqqa ósti, al bul óz kezeginde nesielerge degen suranystyń joǵary ekenin tanytady, dep atap ótti Fitch.
Degenmen agenttiktiń málimetinshe, 2024 jyldyń 9 aiyndaǵy esepteýler teńgedei salynǵan merzimdi depozitter boiynsha turaqty ortasha stavkalar 8% quraityn bankterdiń jyldyq taza paiyzdyq marjasyn qoldaitynyn kórsetedi.
"Bazalyq stsenarii boiynsha Qazaqstan bankteriniń taza paidasy 2023-2024 jyldardaǵy deńgeilermen salystyrǵanda joǵary shyǵyndar sipatyndaǵy táýekelderge bailanysty azdap tómendeýi múmkin. Bul rette bankter aktivteriniń sapasy qamtamasyz etilmegen tutynýshylyq nesielendirý esebinen nasharlaidy. Biz muny Qazaqstandaǵy joǵary táýekeldi segment retinde boryshkerlerdiń qaryz júktemesin arttyra túsken 2021-2022 jyldarǵy qysqa merzimdi jáne joǵary paiyzdyq mólsherlemelermen nesielendirý ósimimen ushtastyra qarastyramyz ", dep esepteidi Fitch.
Ulttyq bank pen Qarjy naryǵyn retteý jáne damytý agenttiginiń tutynýshylyq nesielendirý ósimimen kúresýge baǵyttalǵan sońǵy sharalary bankterdiń bólshek nesielendirý salasyndaǵy tábetin tómendetýi múmkin. Osyǵan bailanysty Fitch 2025 jyly sektordyń ortasha táýekel baǵamy shamamen 2% deńgeiinde turaqtanady dep kútedi.
"Salyq salymyna qatysty yqtimal ózgerister de bankterdiń qyzmetine teris áser etýi múmkin, biraq ol shekteýli bolady dep kútemiz... Qalai degenmen de bizdiń oiymyzsha, qazaqstandyq bankter jyldan jylǵa kólemi artyp kele jatqan salyq shyǵyndaryn komissiialar túrinde óz tutynýshylarynan óndirip alady", - delingen agenttik habarlamasynda.
Qazaqstannyń bank sektory úshin Fitch berip otyrǵan operatsiialyq orta reitingi bb + quraidy, boljam - turaqty. Al bul Fitch reitingi usynǵan TMD elderiniń bank sektorlary arasynda eń joǵary kórsetkish ekenin eske salamyz.
