ەۋرازييالىق وداق: ورتاق قۇندىلىقتار قاجەت پە?
ساياساتتانۋشى ەدۋارد پولەتاەۆتىڭ پٸكٸرٸنشە, وداققا بٸرٸككەن مەملەكەتتەردٸڭ ارعى-بەرگٸ تاريحى تامىرلاسىپ جاتىر. ەندەشە, مەدەني-گۋمانيتارلىق بايلانىستاردى ەرٸ قاراي دا دامىتاتىن, جەتٸلدٸرەتٸن ورتاق قۇندىلىقتار قالىپتاستىرۋدىڭ ەشقانداي ەبەستٸگٸ جوق.
ال «ليتەر» گازەتٸنٸڭ ساياسي شولۋشىسى ولەگ سيدوروۆ بولسا, مەدەني-گۋمانيتارلىق بەسەكەلەستٸكتٸ جوعارى دەڭگەيگە شىعارۋ ٷشٸن ٷكٸمەتتٸك ەمەس ۇيىمدار مەن اقپارات قۇرالدارىنىڭ اراسىنداعى بايلانىستى جەتٸلدٸرۋ كەرەك دەگەن پٸكٸردە.
ونىڭ پٸكٸرٸنە قوسىلاتىنىن ايتقان, «موسكوۆسكيي كومسومولەتس ۆ كازاحستانە» گازەتٸنٸڭ باس رەداكتورىنىڭ ورىنباسارى سەرگەي كوزلوۆ: «ەۋرازييالىق ەكونوميكالىق وداققا بٸرٸككەن ەلدەردە ورتاق قۇندىلىقتاردى قالىپتاستىرۋعا سەپتٸگٸن تيگٸزەتٸن ورتاق اقپاراتتىق ساياسات جوق» دەيدٸ.
ٶز كەزەگٸندە جيىننىڭ شىمىلدىعىن جاپقان ەسكەري-ستراتەگييالىق زەرتتەۋلەر ورتالىعىنىڭ باس عىلىمي قىزمەتكەرٸ اندرەي حان: «ەۋرازييالىق قۇندىلىقتار تۋرالى ايتپاي تۇرىپ, بۇل قۇندىلىقتاردىڭ ٸشٸنە نە كٸرەدٸ دەگەن ساۋالعا جاۋاپ بەرگەنٸمٸز جٶن سيياقتى. مەنٸڭ ويىمشا, دەل قازٸرگٸ كٷنٸ وسى ەۋرازييالىق اتتى ۇعىمعا قازاقستان مەن رەسەي بەلگٸلٸ بٸر ماعىنا بەرۋگە تىرىسىپ جٷر. ال, ايتالىق ٶزبەكستان مەملەكەتٸ مۇنى قولدامايدى. اشىعىن ايتايىن, ەۋرازيياشىلدىق رەسەي ٷشٸن ٶزٸنٸڭ يمپەرييالىق امبيتسيياسىن جٷزەگە اسىرۋ, ال قازاقستان ٷشٸن ترانزيتتٸك مٷددە عانا» دەگەن پٸكٸر بٸلدٸردٸ.
