ەردوعان ەسكەري بٷلٸكشٸلەردٸڭ قايدان بۇيرىق العانىن ايتتى (ۆيدەو)
سونداي-اق, ول ەلدەگٸ قاۋٸپسٸزدٸك پەن تىنىشتىقتىڭ ساقتالۋىنا مەملەكەت باسشىسى رەتٸندە كەپٸل بولاتىنىن ايتىپ, دٷرلٸككە جۇرتتى سابىرعا شاقىرعان.
– بارلىق ەسكەري جاساقتىڭ جەتەكشٸلەرٸ مەنٸڭ سٶزٸمە قۇلاق اساتىنا سەنٸمدٸمٸن. سٸزدەر تٷرٸك حالقىنىڭ قاۋٸپسٸزدٸگٸنٸڭ ساقشىلارىسىزدار. ەسكەري تٶڭكەرٸس جاساۋعا ەركەتتەنۋشٸلەر پەنسيلۆانييادان ارنايى بۇيرىق الۋى مٷمكٸن, – دەپ ەردوعان تٶڭكەرٸستٸ باستى ۇيىمداستىرۋشىسى رەتٸندە اقش-تا تۇرىپ جاتقان فەتۋللاھ گٷلەندٸ ايىپتادى.
فەتۋللاھ گٷلەن 1938 (كەي دەرەكتەردە 1941) جىلى ەرزۋرۋمدا (تٷركييا) قورىجىق اۋىلىندا دٷنيەگە كەلگەن.
گٷلەن 1957 جىلى دٸن ٸستەرٸ باسقارماسىنىڭ سىنىنان سٷرٸنبەي ٶتٸپ, مەملەكەتتٸك قىزمەتكە اۋىسادى. 1957 جىلى اماسيا, توقات, سيۆاس, 1959 جىلى ەدٸرنە 1965 جىلى قىرىقلارەلي قالالارىندا باس ۋاعىزشى بولىپ جۇمىس ٸستەيدٸ.
1966 جىلى يزميرگە قونىس اۋدارىپ, سوندا باس ۋاعىزشى بولىپ جۇمىس ٸستەيدٸ. 1981 جىلى دەنساۋلىعىنا بايلانىستى ۋاعىزشىلدىق قىزمەتٸنەن بوسايدى. 1989 بەن 1992 جىلدارى قايتا قىزمەتكە كٸرٸسكەنمەن, تاعى دا دەنساۋلىعى كٶتەرمەي ۋاعىز ايتۋدى توقتاتادى.
سودان كەيٸن گٷلەن قوعامداعى بٸرلٸك پەن ىنتىماقتى نىعايتۋ ماقساتىندا الدىمەن تٷركييادا تۇراتىن باسقا ۇلت ٶكٸلدەرٸنٸڭ دٸني ليدەرلەرٸمەن ديالوگ باستاپ, ۆاتيكاندا پاپا يوانن پاۆەل ٸٸ-مەن كەزدەسەدٸ. بۇل جٷزدەسۋ تٷركييانىڭ بۇقارالىق اقپارات قۇرالدارىندا كەڭٸنەن ورىن الدى.
گٷلەن 1994-1999 جىلدار ارالىعىندا تٷركييانىڭ بەدەلدٸ تەلەارنالارى مەن گازەت-جۋرنالدارىنا كٶپتەگەن سۇحباتتار بەرگەن.
1999 جىلى دەنساۋلىعىنا بايلانىستى امەريكاعا بارىپ, بٸرنەشە رەت جٷرەگٸنە وپەراتسييا جاساتتى. قازٸر دەرٸگەرلەردٸڭ باقىلاۋىندا. ۇشاقپەن ۇزاق ۇشۋعا دەرٸگەرلەردٸڭ رۇقسات بەرمەۋٸنەن ٶز وتانىنا كەلە الماي جٷر.
فەتۋللاھ گٷلەننٸڭ ٶمٸرٸن زەردەلەگەن كەزدە ونىڭ ۋاعىز ايتۋداعى ەدٸس-تەسٸلدەرٸنە قاراپ, جاي ادام ەمەس ەكەنٸن بٸردەن بايقاۋعا بولادى.
https://www.youtube.com/watch?v=pFyQK4Bss18
