بايقاۋ قالالىق جاستار ساياساتى ماسەلەلەرى باسقارماسىنىڭ قولداۋىمەن وتەدى.
بايقاۋ ۆاكسيناسيا ارقىلى ستۋدەنتتەر اراسىندا COVID-19 تارالۋىنا قارسى كۇرەس، سونداي-اق جاستار اراسىندا شىعارماشىلىق كلاستەردى قولداۋ ماقساتىندا وتكىزىلەدى.
بايقاۋ جەڭىمپازى ەلوردانىڭ ءماسليحات دەپۋتاتى ازامات ماناس ۇلىنىڭ باسشىلىعىمەن جۇمىس ىستەيتىن "ءىدىرىس ورىنباسار اتىنداعى قايىرىمدىلىق قورىنان" 1 ميلليون تەڭگە الادى.
ەكىنشى ورىنعا – 300 مىڭ تەڭگە، ءۇشىنشى ورىنعا – 200 مىڭ تەڭگە. سونداي-اق بايقاۋعا قاتىسۋشىلار ءۇشىن "ارەنا fitness"، "Winox" فيتنەس-زالدارىنىڭ تانىمال جەلىلەرىنەن جانە "حلەبنىي كراي" كومپانياسىنان ىنتالاندىرۋ سىيلىقتارى قاراستىرىلعان.
بايقاۋ وسى جىلدىڭ 5 تامىزى مەن 5 قازان ارالىعىندا وتەدى. وعان ەلوردانىڭ ورتا ارناۋلى (كوللەدجدەر) جانە جوعارى وقۋ ورىندارىنىڭ كامەلەتكە تولعان ستۋدەنتتەرى قاتىسا الادى.
"شارتتار وتە قاراپايىم: نيەت بىلدىرگەن قاتىسۋشىلار 5 تامىزدان 5 قىركۇيەككە دەيىن Google Forms ارقىلى Instagram جەلىسىندە @astana_jastary ءپروفيلىنىڭ تاقىرىپشاسىنا قاتىسۋعا ءوتىنىم جىبەرۋى قاجەت.
سودان كەيىن، قاتىسۋشى نۇر-سۇلتان قالاسىنداعى كەز كەلگەن ۆاكسيناسيا پۋنكتىندە 5 تامىز بەن 5 قازان ارالىعىندا ەكپە الۋى ءتيىس. ارى قاراي، ۆاكسيناسيا ورنىنان شىعارماشىلىق بەينە-challenge ءتۇسىرىپ، ونى Instagram جانە Tiktok-تا تاراتۋى كەرەك.
جاريالانىمداردىڭ استىندا حەشتەگتەردى كورسەتۋدى ۇمىتپاڭىز: #stopCovid #مولودەجزاۆاكسيناسيۋ #nsjastary #astanajastary جانە چەللەندجگە تارتىلعان قاتىسۋشىلاردىڭ سانىن باقىلاۋ ءۇشىن جەكەلەگەن ءبىر حەشتەگ ويلاپ تابۋ قاجەت. بايقاۋ سوڭىندا ىزىنەن ەرگەن ادامى كوپ بەينەروليك اۆتورى (ءبىرىنشى، ەكىنشى، ءۇشىن ورىن) اقشالاي سىيلىق الادى.
بايقاۋ ەرەجەسىنىڭ تولىق شارتتارىمەن Instagram پاراقشالارىنان تانىسۋعا بولادى: @astana_jastary جانە @ns_jastary. سول سياقتى WhatsApp +77471909693 ءنومىرى بويىنشا حابارلاسۋعا بولادى"، – دەدى نۇر-سۇلتان قالاسىنىڭ جاستار ساياساتى ماسەلەلەرى باسقارماسىنىڭ باسشىسى قايرات قامباروۆ.
