Baıqaý qalalyq Jastar saıasaty máseleleri basqarmasynyń qoldaýymen ótedi.
Baıqaý vaksınasıa arqyly stýdentter arasynda COVID-19 taralýyna qarsy kúres, sondaı-aq jastar arasynda shyǵarmashylyq klasterdi qoldaý maqsatynda ótkiziledi.
Baıqaý jeńimpazy elordanyń máslıhat depýtaty Azamat Manasulynyń basshylyǵymen jumys isteıtin "İdiris Orynbasar atyndaǵy qaıyrymdylyq qorynan" 1 mıllıon teńge alady.
Ekinshi orynǵa – 300 myń teńge, úshinshi orynǵa – 200 myń teńge. Sondaı-aq baıqaýǵa qatysýshylar úshin "Arena fitness", "Winox" fıtnes-zaldarynyń tanymal jelilerinen jáne "Hlebnyı kraı" kompanıasynan yntalandyrý syılyqtary qarastyrylǵan.
Baıqaý osy jyldyń 5 tamyzy men 5 qazan aralyǵynda ótedi. Oǵan elordanyń orta arnaýly (kolejder) jáne joǵary oqý oryndarynyń kámeletke tolǵan stýdentteri qatysa alady.
"Sharttar óte qarapaıym: nıet bildirgen qatysýshylar 5 tamyzdan 5 qyrkúıekke deıin Google Forms arqyly Instagram jelisinde @astana_jastary profıliniń taqyrypshasyna qatysýǵa ótinim jiberýi qajet.
Sodan keıin, qatysýshy Nur-Sultan qalasyndaǵy kez kelgen vaksınasıa pýnktinde 5 tamyz ben 5 qazan aralyǵynda ekpe alýy tıis. Ary qaraı, vaksınasıa ornynan shyǵarmashylyq beıne-challenge túsirip, ony Instagram jáne Tiktok-ta taratýy kerek.
Jarıalanymdardyń astynda heshtegterdi kórsetýdi umytpańyz: #stopCovid #molodejzavaksınasıý #nsjastary #astanajastary jáne chellendjge tartylǵan qatysýshylardyń sanyn baqylaý úshin jekelegen bir heshteg oılap tabý qajet. Baıqaý sońynda izinen ergen adamy kóp beınerolık avtory (birinshi, ekinshi, úshin oryn) aqshalaı syılyq alady.
Baıqaý erejesiniń tolyq sharttarymen Instagram paraqshalarynan tanysýǵa bolady: @astana_jastary jáne @ns_jastary. Sol sıaqty WhatsApp +77471909693 nómiri boıynsha habarlasýǵa bolady", – dedi Nur-Sultan qalasynyń Jastar saıasaty máseleleri basqarmasynyń basshysy Qaırat Qambarov.
