بۇگىنگە دەيىن ولار مۇقتاج وتباسىلارعا قاجەتتى تاۋارلارمەن بىرگە 10 مىڭنان استام ازىق-تۇلىك سەبەتىن تاراتتى.
ءقازىردىڭ وزىندە 500 مىڭ ماسكا تاراتىلدى. Nur Otan پارتياسىنىڭ قولداۋىمەن #بىزبىرگەمىز اكسياسىنىڭ ەكىنشى تولقىنى اياسىندا قالاعا 2 ميلليون ماسكا اكەلىنىپ، ونىڭ ۇشتەن ءبىرى تاراتىلدى.
– ەرىكتىلەر قىزمەتىنە اقى تولەنەدى دەگەن قاتە پىكىر بار. بۇل «ۆولونتەر»، ياعني، ەرىكتى ۇعىمىن تۇبەگەيلى تەرىسكە شىعارادى. ەرىكتى – قوعامعا پايدالى قىزمەتپەن اقىسىز اينالىساتىن ادام، – دەپ اتاپ ءوتتى قالالىق جاستار ساياساتى باسقارماسىندا.
حابارلانعانداي، ەلباسى، «نۇر وتان» پارتياسىنىڭ ءتوراعاسى نۇرسۇلتان نازاربايەۆتىڭ تاپسىرماسى بويىنشا مۇقتاج جاندارعا: نۇر-سۇلتان مەن الماتىدا جالعىز باستى قارتتارعا، ەرەكشە قاجەتتىلىكتەرى بار ازاماتتارعا جانە از قامتىلعان كوپ بالالى وتباسىلارعا اتاۋلى كومەك كورسەتۋ ءۇشىن قاراجات ءبولىندى.
