ءىس-شارا 23 ماۋسىم كۇنى ساعات 12:00-دە وتەدى.
ەلوردا تۇرعىندارى مەن قوناقتارى ەستافەتالىق جارىستار، 3ح3 باسكەتبول، تەكبول جانە ۇستەل تەننيسى ويىندارى، سونداي-اق برەيك-دانسشىلاردىڭ ونەرىنە ءتانتى بولادى جانە ءارتۇرلى جاستاعى بالالار اراسىندا دزيۋدو مەن تاەكۆوندودان كورسەتىلىم جەكپە-جەگى ۇيىمداستىرىلاتىن شاراعا قاتىسا الادى.
ۇلتتىق قۇراما مۇشەلەرى مەن قازاقستاننىڭ اتاقتى سپورتشىلارى ەلوردانىڭ جاس تۇرعىندارىنا شەبەرلىك ساباعىن وتكىزەدى.
اتاپ ايتساق، بوكستان 2012 جىلعى لوندون وليمپياداسىنىڭ چەمپيونى سەرىك ساپييەۆ، ايەلدەر كۇرەسىنەن ءۇش دۇركىن وليمپيادا جۇلدەگەرى گيۋزەل مانيۋروۆا، شورت-ترەكشى، 2022 جىلعى بەيجىڭ وليمپياداسىندا قازاقستان قۇراماسىنىڭ كاپيتانى بولعان ابزال اجعالييەۆ، كونكيمەن جۇگىرۋدەن ءتورت قۇرلىقتىڭ چەمپيونى ەكاتەرينا ايدوۆا، بوكستان الەمدىك باسەكەلەر جەڭىمپازدارى اعايىندى ايبەك پەن نۇربەك ورالباي جانە كۇرەستەن 2022 جىلعى ازيا چەمپيوندارى ءمادينا مەن ءجاميلا باقبەرگەنوۆالار جاس سپورتشىلارمەن كەزدەسىپ، تاجىريبەسىمەن بولىسەدى.
بارلىق قاتىسۋشىلار سپورتتىق شارالار مەن جارىستارعا قاتىسىپ، ۆيكتورينادا سۇراقتارعا جاۋاپ بەرە وتىرىپ، ق ر ۇلتتىق وليمپيادالىق كوميتەتىنىڭ ەستەلىك سىيلىقتارىن ۇتىپ الۋعا مۇمكىندىك الادى.
سونىمەن قاتار، بيىل ۇلتتىق وليمپيادالىق كوميتەتى ماۋسىم ايىندا داستۇرگە اينالعان اكسيالاردى وتكىزەدى. بەس وليمپيادا ساقيناسى بەس قۇرلىقتى بەينەلەيتىنىندەي، قازاقستاندىقتاردىڭ سپورتتاعى بىرلىگىن بىلدىرەتىن مەرەكەلىك ەستافەتانى قازاقستاننىڭ بەس وبلىسى الىپ وتەدى. اتاپ ايتقاندا، ەلىمىزدىڭ جاڭا وبلىس ورتالىقتارىندا تۇركىستان (تۇركىستان وبلىسى)، سەمەي (اباي وبلىسى)، جەزقازعان (ۇلىتاۋ وبلىسى)، قونايەۆ (الماتى وبلىسى) قالالارىندا اۋقىمدى سپورت فەستيۆالدەرى وتەدى.
بيىل ەلىمىزدە وليمپيادا كۇنى 29-شى رەت تويلانادى.
