Is-shara 23 maýsym kúni saǵat 12:00-de ótedi.
Elorda turǵyndary men qonaqtary estafetalyq jarystar, 3h3 basketbol, tekbol jáne ústel tennisi oiyndary, sondai-aq breik-dansshylardyń ónerine tánti bolady jáne ártúrli jastaǵy balalar arasynda dziýdo men taekvondodan kórsetilim jekpe-jegi uiymdastyrylatyn sharaǵa qatysa alady.
Ulttyq qurama músheleri men Qazaqstannyń ataqty sportshylary elordanyń jas turǵyndaryna sheberlik sabaǵyn ótkizedi.
Atap aitsaq, bokstan 2012 jylǵy London Olimpiadasynyń chempiony Serik Sápiev, áielder kúresinen úsh dúrkin Olimpiada júldegeri Giýzel Maniýrova, short-trekshi, 2022 jylǵy Beijiń Olimpiadasynda Qazaqstan quramasynyń kapitany bolǵan Abzal Ájǵaliev, konkimen júgirýden tórt qurlyqtyń chempiony Ekaterina Aidova, bokstan álemdik básekeler jeńimpazdary aǵaiyndy Aibek pen Nurbek Oralbai jáne kúresten 2022 jylǵy Aziia chempiondary Mádina men Jámila Baqbergenovalar jas sportshylarmen kezdesip, tájiribesimen bólisedi.
Barlyq qatysýshylar sporttyq sharalar men jarystarǵa qatysyp, viktorinada suraqtarǵa jaýap bere otyryp, QR Ulttyq olimpiadalyq komitetiniń estelik syilyqtaryn utyp alýǵa múmkindik alady.
Sonymen qatar, biyl Ulttyq olimpiadalyq komiteti maýsym aiynda dástúrge ainalǵan aktsiialardy ótkizedi. Bes olimpiada saqinasy bes qurlyqty beineleitinindei, qazaqstandyqtardyń sporttaǵy birligin bildiretin merekelik estafetany Qazaqstannyń bes oblysy alyp ótedi. Atap aitqanda, elimizdiń jańa oblys ortalyqtarynda Túrkistan (Túrkistan oblysy), Semei (Abai oblysy), Jezqazǵan (Ulytaý oblysy), Qonaev (Almaty oblysy) qalalarynda aýqymdy sport festivalderi ótedi.
Biyl elimizde Olimpiada kúni 29-shy ret toilanady.
