ەلىمىزدە سالاۋاتتى ءومىر سالتى ورتالىعىنىڭ 1998 جىلدان باستاپ، ءار ءۇش جىل سايىن جۇرگىزگەن زەرتتەۋلەرىنە سۇيەنسەك، ادامداردىڭ باسىم بولىگى كۇنىنە ەكى رەت ىستىق تاماق تۇتىنبايدى. ال، 12 پايىزى ءۇش رەت اس ىشەتىنىن ايتسا، 9 پايىزى بار بولعانى ءبىر تاۋلىكتە ءبىر رەت قانا قورەكتەنەدى. تۇرعىنداردىڭ جارتىسىنا جۋىعى كۇندەلىكتى اسىنىڭ 400 گراممى جەمىس-جيدەك بولۋى ءتيىس ەكەنىن بىلمەيدى دە. ساۋالناماعا قاتىسقانداردىڭ كوبىسى ءتيىستى مولشەردە ەت ونىمدەرىن پايدالانبايدى ەكەن.
دارىگەرلەرگە سەنسەك، قازاقستاندىقتار جەيتىن اسىنا ءجيى زەيىنسىز قارايدى. ال، اۋىرعان كەزدە كۇندەلىكتى جارناما بەتتەرىنەن تۇسپەيتىن ەڭ جاڭا پرەپاراتتاردى ىزدەيدى.
– بالالار اراسىندا فاستفۋد ونىمدەرىن تۇتىنۋ بەلەڭ الىپ بارادى. زەرتتەۋلەرگە سۇيەنسەك، جاسوسپىرىمدەردىڭ 13،7 پايىزى كۇنىنە ءبىر رەت فاستفۋدتى ازىق ەتەدى. سونىمەن قاتار، ۇيقىعا جاتاردا تاماقتانۋ، دەنە بەلسەندىلىگىڭ ازدىعى، قيمىلدىڭ جوقتىعى جۇرەك قان تامىرلارى اۋرۋلارىنا، سەمىزدىككە تاعى باسقا دا كوپتەگەن اۋرۋلاردىڭ اسقىنۋلارىنا اكەلىپ سوعۋدا. ال، ءتيىمدى تاماقتانۋ كەيبىر سوزىلمالى اۋرۋلارى بار ادامداردىڭ دەنساۋلىعىن جاقسارتۋعا نەگىز بولادى»، – دەيدى ايگۇل جاقىپ قىزى.
قازاق تاعامتانۋ اكادەمياسىنىڭ 2012 جىلى جۇرگىزگەن زەرتتەۋىنىڭ ناتيجەسىنە سۇيەنسەك، قازاقستان حالقىنىڭ جارتىسىنان استامى ارتىق سالماققا جانە سەمىزدىككە شالدىققان. 1 جانە 14 جاس ارالىعىنداعى ءاربىر بەسىنشى بالا ارتىق سالماقتان زارداپ شەگەدى. بۇل – تۇرعىنداردىڭ 21،5 پايىزى. بۇلاردىڭ جارتىسى سەمىزدىككە شالدىققان، – دەيدى ارداق بايباراق قىزى.
سپيكەرلەردىڭ ايتۋىنشا، ساۋمالدا ادام دەنساۋلىعىن جاقسارتۋعا قاجەتتى بارلىق زاتتار بار. اسىرەسە ا جانە س دارۋمەندەرى كوپ. سونىمەن قاتار ۆ1، ۆ2، ۆ12، رر، د، ە دارىمەندەرى مەن فولي قىشقىلى، بيوتين جانە باسقا دا اعزاعا قاجەتتىلىكتەر جەتكىلىكتى. ءبىر ليتر ساۋمالدا 85-تەن 140 گراممعا دەيىن قىشقىل، 70 گرامعا دەيىن كاروتين كەزدەسەدى. سالىستىرمالى تۇردە العاندا، سيىر سۇتىنەن بىرنەشە ەسە پايدالى. دارۋمەندەردەن بولەك ساۋمال انتيباكتەريالىق فەرمەنتتەرگە باي. ميكروەلەمەنتتەر (كالسيي، ماگنيي، فوسفور، مارگانەس، مىس، كوبالت، ت.ب.) زات الماسۋلار جۇيەسىنە كومەكتەسەدى، سۇيەك پەن بۇلشىقەتتەر قاڭقالارىنىڭ قالىپتاسۋىنا وڭ اسەر ەتەدى. ال، قىمىز ادام يممۋنيتەتىن جوعارىلادى. اعزانىڭ قورعانىش قابىلەتىن ارتتىرادى. كىمىز جەتىسپەيتىن اسقازان قىشقىلىن دا الماستىرا الادى. قىمىز قىشقىلى قانعا وڭ اسەر ەتەدى. گەموگلوبين قۇرامىن كۇشەيتەدى. وبىر دەرتىن تەجەۋگە قاۋقارلى قىمىزدى جۇرەكتىڭ سوزىلمالى يشەميالىق اۋرۋىنا شالدىققان ناۋقاستارعا دا ۇسىنۋعا بولادى.
وقو اكىمىنىڭ باسپا ءسوز قىزمەتى
