شاعىن فۋتبولدان وتەتىن حالىقارالىق ءتۋرنيردىڭ ماقساتى – قازاق ادەبيەتى عىلىمىنا ولشەۋسىز ۇلەس قوسقان زەردەلى عالىم، قازاق ادەبيەتى سىنىنىڭ كورنەكتى وكىلى، فيلولوگيا عىلىمدارىنىڭ دوكتورى، پروفەسسور تۇرسىنبەك كاكىشيەۆتىڭ ەڭبەگى مەن ونەگەلى ءومىرىن جاستارعا ۇلگى ەتۋ. سونداي-اق، شەتەلدە تۇراتىن قازاق جاستارىنا تاۋەلسىز قازاق ەلىنىڭ تىنىس-تىرشىلىگىن تانىستىرۋ، سپورتتىق ويىن ارقىلى اتاجۇرتىمەن مادەني-رۋحاني بايلانىسىن نىعايتۋدى ماقسات ەتەدى.
ق ر پرەزيدەنتى ن.ءا.نازاربايەۆ دۇنيەجۇزى قازاقتارىنىڭ V قۇرىلتايىندا الەمدەگى بارشا قازاقتىڭ بەكەم بىرلىگى تۋرالى ايتقان ەدى. ەلباسى بۇل تاقىرىپتى «بولاشاققا باعدار: رۋحاني جاڭعىرۋ» ماقالاسىندا دا تەرەڭ قوزعاعان بولاتىن. وسى ورايدا، «ەر جانىبەك» حالىقارالىق قوعامدىق قورى مەملەكەت باسشىسىسى اتاپ كورسەتكەن ماڭىزدى باعىتتارعا ءۇن قوسۋدى كوزدەيدى.
«ەر جانىبەك» حالىقارالىق قوعامدىق قورىنىڭ «ER JANIBEK CUP» ءتۋرنيرى - بيىل ءىىى رەت وتكىزىلگەلى وتىر. 24 كوماندا ب ا ق سىنايتىن جارىستىڭ جۇلدە قورى - 2 ميلليون تەڭگە. دۇنيەجۇزى قازاق جاستارىن شاقىرعان فۋتبول تۋرنيرىنە فرانسيا، تۇركيا، جۇڭگو، رەسەي (ومبى، ساراتوۆ قالالارىنان)، موڭعوليا، يران، وزبەكستان جانە قىرعىزستاندا تۇراتىن قازاق جاستارىنان قۇرالعان فۋتبول كوماندالارى قاتىسادى. سونىمەن قاتار، الماتى مەن استانا قالالارىنان جانە ەلىمىزدىڭ ءار وبلىسىنان كەلەتىن سپورتشىلار ويىن كورسەتەدى.
تۋرنيرگە دۇنيەجۇزى قازاقتارى قاۋىمداستىعى، ق ر مادەنيەت جانە سپورت مينيسترلىگى، الماتى قالاسى اكىمدىگى، ءال-فارابي اتىنداعى قازاق ۇلتتىق ۋنيۆەرسيتەتى قولداۋ كورسەتىپ وتىر. تۋرنير كەزىندە شاعىن ەتنواۋىل تىگىلىپ، قولونەر كورمەسى وتەدى.
وتەتىن ورنى: ءال-فارابي اتىنداعى قازۇۋ-دىڭ سپورت كەشەنى.
ۋاقىتى: 21-22 قازان 2017 جىل. ءتۋرنيردىڭ اشىلۋى: 21 قازان 2017ج. 10:00-دە.
جەڭىمپازداردى ماراپاتتاۋ: 22 قازان 2017 ج. 17:00-دە.
بايلانىس تەلەفونى: +7 702-121-21-51،+ 7 702-566-00-10.
