Tursynbek Kákishevtiń 90 jyldyǵyna orai fýtboldan halyqaralyq týrnir ótedi
Shaǵyn fýtboldan ótetin halyqaralyq týrnirdiń maqsaty – Qazaq ádebieti ǵylymyna ólsheýsiz úles qosqan zerdeli ǵalym, qazaq ádebieti synynyń kórnekti ókili, filologiia ǵylymdarynyń doktory, professor Tursynbek Kákishevtyń eńbegi men ónegeli ómirin jastarǵa úlgi etý. Sondai-aq, shetelde turatyn qazaq jastaryna Táýelsiz qazaq eliniń tynys-tirshiligin tanystyrý, sporttyq oiyn arqyly atajurtymen mádeni-rýhani bailanysyn nyǵaitýdy maqsat etedi.
QR Prezidenti N.Á.Nazarbaev Dúniejúzi qazaqtarynyń V quryltaiynda álemdegi barsha qazaqtyń bekem birligi týraly aitqan edi. Elbasy bul taqyrypty «Bolashaqqa baǵdar: rýhani jańǵyrý» maqalasynda da tereń qozǵaǵan bolatyn. Osy oraida, «Er Jánibek» halyqaralyq qoǵamdyq qory memleket basshysysy atap kórsetken mańyzdy baǵyttarǵa ún qosýdy kózdeidi.
«Er Jánibek» halyqaralyq qoǵamdyq qorynyń «ER JANIBEK CUP» týrniri - biyl III ret ótkizilgeli otyr. 24 komanda baq synaityn jarystyń júlde qory - 2 million teńge. Dúniejúzi qazaq jastaryn shaqyrǵan fýtbol týrnirine Frantsiia, Túrkiia, Qytai, Resei (Omby, Saratov qalalarynan), Mońǵoliia, Iran, Ózbekstan jáne Qyrǵyzstanda turatyn qazaq jastarynan quralǵan fýtbol komandalary qatysady. Sonymen qatar, Almaty men Astana qalalarynan jáne elimizdiń ár oblysynan keletin sportshylar oiyn kórsetedi.
Týrnirge Dúniejúzi qazaqtary qaýymdastyǵy, QR Mádeniet jáne sport ministrligi, Almaty qalasy ákimdigi, ál-Farabi atyndaǵy Qazaq ulttyq ýniversiteti qoldaý kórsetip otyr. Týrnir kezinde shaǵyn etnoaýyl tigilip, qolóner kórmesi ótedi.
Ótetin orny: ál-Farabi atyndaǵy QazUÝ-dyń sport kesheni.
Ýaqyty: 21-22 qazan 2017 jyl. Týrnirdiń ashylýy: 21 qazan 2017j. 10:00-de.
Jeńimpazdardy marapattaý: 22 qazan 2017 j. 17:00-de.
Bailanys telefony: +7 702-121-21-51,+ 7 702-566-00-10.
