ديزەل وتىنىنىڭ باعاسى ەڭ تومەن الەمدەگى 10 ەل قاتارىندا قازاقستان دا ءجۇر. دەگەنمەن بۇل وتىن تۇرىنە قاتىستى ەلىمىزدە ماشاقات كوپ. اسىرەسە، ەگىن سەبىلىپ، جينالاتىن كوكتەم مەن كۇز ايلارىندا فەرمەرلەر ونى تاپپاي سەڭدەي سوعىلادى، دەپ حابارلايدى Dalanews.kz.

Global Petrol Prices پورتالىنىڭ مالىمەتىنشە، قازاقستان ديزەل وتىنىنا ەڭ قولجەتىمدى باعاسى تىركەلگەن الەمدەگى 10 ەل ءتىزىمىن تۇيىقتايدى.

بۇل تىزىمگە مىنا ەلدەر كىرەدى: يران، ليۆيا، ۆەنەسۋەلا، انگولا، مىسىر، كۋۆەيت، الجير، تۇركىمەنستان، مالايزيا، قازاقستان.

رەسەي بۇل تىزىمدە 14-ورىنعا ورنىققان. ءوز كەزەگىندە ديزەلدىڭ ەڭ جوعارى باعاسى گونكونگ، موناكو، يسلانديادا تىركەلگەن ەكەن.

ايتا كەتسەك، قازاقستاندا ديزەل وتىنىنىڭ سارالانعان باعاسى بەلگىلەنگەن. ماسەلەن، ديقانشىلارعا ونىڭ ءبىر ءليترى 295 تەڭگەدەن بوساتىلسا، ال جانار-جاعارماي بەككەتتەرىندەگى باعا 450 تەڭگەنى قۇرايدى. سونداي-اق 2023 جىلدىڭ شىلدەسىنەن باستاپ ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن اۆتوموبيل كولىگىمەن قازاقستان رەسپۋبليكاسىنىڭ اۋماعىنان اكەتۋگە شەكتەۋ ەنگىزىلگەن. سەبەبى تارتىمدى باعاعا بايلانىستى كورشلەردىڭ بۇل ءونىم ءتۇرىن ەلىمىزدەن اۆتوكولىكپەن تاسىپ اكەتۋ ءۇردىسى باسىم. سول سەبەپتى ىشكى نارىقتا اراكىدىك تاپشىلىق بوي كوتەرىپ وتىرادى. ەڭ جوعارى باعا ارمەنيادا، مۇندا ديزەل وتىنىنىڭ ءبىر ءليترى 800 تەڭگە شاماسىندا...