Dızel otynynyń baǵasy eń tómen álemdegi 10 el qatarynda Qazaqstan da júr. Degenmen bul otyn túrine qatysty elimizde mashaqat kóp. Ásirese, egin sebilip, jınalatyn kóktem men kúz aılarynda fermerler ony tappaı seńdeı soǵylady, dep habarlaıdy Dalanews.kz.

Global Petrol Prices portalynyń málimetinshe, Qazaqstan dızel otynyna eń qoljetimdi baǵasy tirkelgen álemdegi 10 el tizimin tuıyqtaıdy.

Bul tizimge myna elder kiredi: Iran, Lıvıa, Venesýela, Angola, Mysyr, Kýveıt, Aljır, Túrkimenstan, Malaızıa, Qazaqstan.

Reseı bul tizimde 14-orynǵa ornyqqan. Óz kezeginde dızeldiń eń joǵary baǵasy Gonkong, Monako, Islandıada tirkelgen eken.

Aıta ketsek, Qazaqstanda dızel otynynyń saralanǵan baǵasy belgilengen. Máselen, dıqanshylarǵa onyń bir lıtri 295 teńgeden bosatylsa, al janar-jaǵarmaı bekketterindegi baǵa 450 teńgeni quraıdy. Sondaı-aq 2023 jyldyń shildesinen bastap dızel otynyn jáne munaı ónimderiniń jekelegen túrlerin avtomobıl kóligimen Qazaqstan Respýblıkasynyń aýmaǵynan áketýge shekteý engizilgen. Sebebi tartymdy baǵaǵa baılanysty kórshlerdiń bul ónim túrin elimizden avtokólikpen tasyp áketý úrdisi basym. Sol sebepti ishki naryqta arakidik tapshylyq boı kóterip otyrady. Eń joǵary baǵa Armenıada, munda dızel otynynyń bir lıtri 800 teńge shamasynda...