قىرعىزستاندا ٶتكەن VI دٷنيەجٷزٸلٸك كٶشپەندٸلەر ويىندارى اياقتالعاننان كەيٸن جالپى مەدال ەسەبٸنە قاتىستى داۋ تۋدى. قازاقستان تاراپى ۇلتتىق قۇرامانىڭ 32 التىن مەدال جەڭٸپ, بٸرٸنشٸ ورىن العانىن مەلٸمدەدٸ. ال ۇيىمداستىرۋشىلار باسقا ەسەپ ۇسىنىپ, قىرعىزستاندى كٶش باسىنا شىعاردى. كەيٸن داۋلى كەستەلەر ٶشٸرٸلٸپ, "ويىنداردا رەسمي مەدال ەسەبٸ جٷرگٸزٸلمەيدٸ" دەگەن تٷسٸنٸكتەمە بەرٸلدٸ, دەپ حابارلايدى dalanews.kz.
قازاقستان 32 التىن العانىن مەلٸمدەدٸ
قازاقستاننىڭ تۋريزم جەنە سپورت مينيسترلٸگٸنٸڭ مەلٸمەتٸنشە, ۇلتتىق قۇراما 32 التىن, 20 كٷمٸس جەنە 22 قولا مەدال جەڭٸپ العان. جالپى جٷلدە سانى - 74. وسى ەسەپ بويىنشا قازاقستان بٸرٸنشٸ, 30 التىن يەلەنگەن قىرعىزستان ەكٸنشٸ, جەتٸ التىن العان رەسەي ٷشٸنشٸ ورىنعا شىققان.
مينيسترلٸك بۇل مەلٸمەتتٸڭ بارلىق جارىس نەتيجەسٸ قايتا تەكسەرٸلگەننەن كەيٸن جارييالانعانىن حابارلادى. قازاقستاندىق سپورتشىلار اۋدارىسپاق, جامبى اتۋ, قازاق كٷرەسٸ, ارمرەستلينگ, ارقان تارتىس, توعىزقۇمالاق, مانگالا, دەستٷرلٸ ساداق اتۋ, بەيگە جەنە باسقا دا ۇلتتىق سپورت تٷرلەرٸنەن جٷلدە الدى.
ۇيىمداستىرۋشىلار قازاقستاندى ەكٸنشٸ ورىنعا قويدى
الايدا ويىنداردى ۇيىمداستىرۋشىلاردىڭ ەسەبٸندە قازاقستاننىڭ كٶرسەتكٸشٸ تٶمەن بولدى. قىرعىزستاننىڭ مەملەكەتتٸك سپورت اگەنتتٸگٸ قورىتىندى باسپاسٶز مەسليحاتىندا قىرعىزستاننىڭ 30 التىن, 29 كٷمٸس جەنە 13 قولا مەدال العانىن حابارلادى. ال قازاقستانعا 29 التىن, 16 كٷمٸس جەنە 19 قولا مەدال جازىلدى.
بۇل كەستەدە قىرعىزستان بٸرٸنشٸ, قازاقستان ەكٸنشٸ ورىنعا قويىلعان. رەسەي قۇراماسى جەتٸ التىن مەدالمەن ٷشٸنشٸ ورىنعا تۇراقتاعان.
ايىرما ٷش التىنمەن شەكتەلمەيدٸ
ەكٸ تاراپتىڭ مەلٸمەتٸن سالىستىرعاندا, ايىرماشىلىق تەك ٷش التىن مەدالعا قاتىستى ەمەس ەكەنٸ بايقالادى. قازاقستان مينيسترلٸگٸ ۇلتتىق قۇرامادا 74 مەدال بار دەسە, ۇيىمداستىرۋشىلار 64 جٷلدەنٸ عانا ەسەپتەگەن.
ياعني ۇيىمداستىرۋشىلار ۇسىنعان نۇسقادا قازاقستاننىڭ ٷش التىن, تٶرت كٷمٸس جەنە ٷش قولا مەدالٸ جوق. جالپى ايىرما - ون مەدال. الايدا ناقتى قانداي جٷلدەلەردٸڭ ەسەپكە الىنباعانى جەنە وعان قانداي سەبەپ بولعانى رەسمي تٷردە تٷسٸندٸرٸلگەن جوق.
داۋلى كەستەلەر ٶشٸرٸلدٸ
قىرعىزستاندى بٸرٸنشٸ ورىنعا شىعارعان قورىتىندى كەستە World Nomad Games 2026 جارىسىنىڭ رەسمي Instagram پاراقشاسىندا جارييالاندى. ەلەۋمەتتٸك جەلٸ قولدانۋشىلارى ەسەپكە كٷمەن كەلتٸرٸپ, قازاقستاننىڭ جٷلدەلەرٸ تولىق كٶرسەتٸلمەگەنٸن جازا باستادى.
وسىدان كەيٸن ۇيىمداستىرۋشىلار جازبانى ٶشٸردٸ. بٸراز ۋاقىتتان سوڭ كەستە قايتا جارييالانىپ, كەيٸن تاعى دا الىنىپ تاستالدى. ويىنداردىڭ رەسمي سايتىنداعى جيىنتىق ەسەپ تە قولجەتٸمسٸز بولىپ قالدى.
الدىمەن ۇيىمداستىرۋشىلار قورىتىندى مەدال كەستەسٸ ويىندار حاتشىلىعىنىڭ مەلٸمەتٸ تەكسەرٸلگەننەن كەيٸن جارييالاناتىنىن حابارلاعان. الايدا كەيٸن قىرعىزستان تاراپى مٷلدە باسقا تٷسٸنٸكتەمە بەردٸ.
"مەدال ەسەبٸ جٷرگٸزٸلمەيدٸ" دەگەن مەلٸمدەمە جاسالدى
داۋدان كەيٸن قىرعىزستاننىڭ مەملەكەتتٸك سپورت اگەنتتٸگٸ دٷنيەجٷزٸلٸك كٶشپەندٸلەر ويىندارىندا مەملەكەتتەر اراسىندا رەسمي مەدال جەنە جالپىكوماندالىق ەسەپ جٷرگٸزٸلمەيتٸنٸن مەلٸمدەدٸ.
ۆەدومستۆو ٶكٸلدەرٸ ويىنداردىڭ نەگٸزگٸ ماقساتى ەلدەردٸ رەيتينگ ٷشٸن جارىستىرۋ ەمەس, ەتنوسپورتتى دامىتۋ, مەدەني مۇرانى ناسيحاتتاۋ جەنە حالىقتار اراسىنداعى دوستىقتى نىعايتۋ ەكەنٸن ايتتى. جارىس نەتيجەلەرٸ ەر سپورت تٷرٸ بويىنشا جەكە تٸركەلگەنٸمەن, مەملەكەتتەردٸڭ جالپى رەيتينگٸ جاسالمايتىنى تٷسٸندٸرٸلدٸ.
الايدا بۇل مەلٸمدەمە ۇيىمداستىرۋشىلاردىڭ بۇعان دەيٸنگٸ ەرەكەتٸنە قايشى كەلەدٸ. سەبەبٸ جارىس بارىسىندا دا, قورىتىندى باسپاسٶز مەسليحاتىندا دا ەلدەردٸڭ مەدال سانى ەسەپتەلٸپ, ولاردىڭ ورىندارى جارييالانىپ وتىرعان. قىرعىزستاننىڭ رەسمي اقپارات اگەنتتٸگٸ دە جارىستىڭ العاشقى كٷندەرٸنەن باستاپ مەدال كەستەسٸن تاراتقان.
ٷش التىن توعىزقۇمالاقتان تٷسۋٸ مٷمكٸن
جەلٸ قولدانۋشىلارى قازاقستاننىڭ ەسەپكە الىنباعان ٷش التىن مەدالٸ توعىزقۇمالاق جارىسىنا قاتىستى بولۋى مٷمكٸن ەكەنٸن جازدى.
قازاقستاننىڭ تۋريزم جەنە سپورت مينيسترلٸگٸ ۇلتتىق قۇرامانىڭ توعىزقۇمالاقتان تٶرت التىن جەنە ەكٸ كٷمٸس مەدال جەڭٸپ العانىن حابارلادى. قىرعىزستاننىڭ سپورت اگەنتتٸگٸ كەيٸن جارييالاعان نەتيجەلەر دە قازاقستاننىڭ تٶرت ساناتتا بٸرٸنشٸ بولعانىن راستايدى.
ەيەلدەر اراسىنداعى جەكەلەي سىندا مٶلدٸر سەرٸكقىزى, ەرلەر اراسىندا ەراسىل دۋتاليپوۆ جەڭٸمپاز اتاندى. سونىمەن قاتار قازاقستان ەيەلدەر جەنە ەرلەر اراسىنداعى كوماندالىق ەسەپتە دە بٸرٸنشٸ ورىن الدى.
وسىعان بايلانىستى ٷش التىنعا قاتىستى ايىرماشىلىق توعىزقۇمالاقتاعى جەكە جەنە كوماندالىق نەتيجەلەردٸ ەرتٷرلٸ ساناۋدان تۋىنداۋى مٷمكٸن. دەگەنمەن بۇل ەزٸرگە بولجام عانا. ۇيىمداستىرۋشىلار ناقتى قاي ٷش التىننىڭ ەسەپكە الىنباعانىن رەسمي تٷردە ايتقان جوق.
جاتتىقتىرۋشى نە دەيدٸ?
توعىزقۇمالاقتان قازاقستان ۇلتتىق قۇراماسىنىڭ جاتتىقتىرۋشىسى اينۇر جاقاپباەۆانىڭ ايتۋىنشا, جارىستا رەسمي ماراپاتتاۋ رەسٸمٸ ٶتٸپ, جەڭٸمپازدارعا مەدالدار تابىستالعان. قازاقستان قۇراماسى جارىستىڭ سوڭعى كەزەڭٸندە توعىزقۇمالاقتان تٶرت, مانگالادان ەكٸ التىن جەڭٸپ الىپ, جالپىكوماندالىق ەسەپتە قىرعىزستاننان العا شىققان.
الايدا كەيٸن ۇيىمداستىرۋشىلار جارييالاعان قورىتىندى كەستەدە قازاقستاننىڭ ٷش التىن مەدالٸ ەسەپكە الىنباي, ەل قۇراماسىنىڭ كٶرسەتكٸشٸ 32-دەن 29 التىنعا دەيٸن ازايتىلعان.
"رەسمي ماراپاتتاۋ بولدى. رەسمي تۋرنيرلٸك كەستەدە بارلىق ورىن كٶرسەتٸلٸپ, سپورتشىلاردىڭ موينىنا مەدالدار تاعىلدى. بٸز التى التىن الدىق: تٶرتەۋٸن توعىزقۇمالاقتان, ەكەۋٸن مانگالادان جەڭٸپ الدىق. سٶيتٸپ, رەسمي كوماندالىق ەسەپتە ولاردان وزىپ كەتتٸك. بٸراق كەيٸن بٸزدٸڭ جەكەلەي سىندا العان ٷش التىنىمىزدى ەسەپتەن الىپ تاستاپ, ٶزدەرٸنٸڭ كەستەسٸندە قازاقستاننىڭ مەدال سانىن 29 دەپ كٶرسەتتٸ. ال بٸزدٸڭ ەسەبٸمٸز بويىنشا 32 التىن. شۋ وسىدان شىقتى", - دەدٸ اينۇر جاقاپباەۆا.
جالپى مەدال سانى نەلٸكتەن سەيكەس كەلمەيدٸ?
مەدال سانىنىڭ ەرتٷرلٸ شىعۋىنا كوماندالىق جارىستاردى ەسەپتەۋ تەرتٸبٸ سەبەپ بولۋى مٷمكٸن. مەسەلەن, بٸر تاراپ كوماندانىڭ ەر مٷشەسٸنە بەرٸلگەن مەدالدى جەكە ساناسا, ەكٸنشٸ تاراپ بٷكٸل كوماندانىڭ جەڭٸسٸن بٸر مەدال رەتٸندە ەسەپتەۋٸ مٷمكٸن.
سونىمەن قاتار كەيبٸر سايىستار ويىنداردىڭ نەگٸزگٸ مەدال باعدارلاماسىنا ەنگٸزٸلمەگەن نەمەسە سوڭعى كٷننٸڭ نەتيجەلەرٸ قورىتىندى كەستەگە ۋاقىتىندا قوسىلماعان بولۋى ىقتيمال.
الايدا مۇنداي نۇسقالاردىڭ ەشقايسىسى رەسمي تٷردە راستالمادى. ۇيىمداستىرۋشىلار قانداي سپورت تٷرلەرٸ جالپى ەسەپكە كٸرگەنٸن جەنە كوماندالىق جٷلدەلەردٸڭ قالاي سانالعانىن اشىق تٷسٸندٸرگەن جوق.
