ۋكراينانىڭ جاڭا ءارى جاس پرەزيدەنتى بار. ول شىنايى، ءادىل، باسەكەلى سايلاۋدا جەڭىپ شىقتى.
بىزدە جاستاردى پرەزيدەنتتىككە ۇسىنبايدى. جاستاردىڭ ازاماتتىق پوزيسياسىن ەسكى ءادىس، ەسكى ادەتكە ساپ تاپتاپ، تۇنشىقتىرىپ، تەجەگەندى ءجون كورەدى.
[perfectpullquote align="full" bordertop="false" cite="" link="" color="" class="" size=""]
بۇل جاعداي جاھانعا جار سالعان "جاستار جىلىندا" ورىن الىپ وتىر. كۇلەيىن بە، جىلايىن با؟
[/perfectpullquote]
ولاردى جاستاردىڭ، وسەر ۇرپاقتىڭ ەرتەڭگى ءومىرى تولعاندىرمايدى. تىم قۇرىعاندا جاستاردىڭ تالاپ-تىلەگىنە قۇلاق اسپايدى جوعارعى جاق...
ولاردىڭ ويى ازىرگى ساياسي status quo-نىڭ عۇمىرىن بارىنشا ۇزارتۋ عانا.
ەرتەڭ "نۇر وتاننىڭ" سەزىندە پرەزيدەنتىككە لايىقتى جاڭا، جاس ۇمىتكەردىڭ ورنىنا بىزگە ەسكى بيلىكتىڭ وكىلىن "تانىستىرۋعا" تىرىسادى.
الايدا جۇيەنىڭ ىرگەسى الدەقاشان سوگىلگەن. ەسكىشە بيلىك قۇرۋ ەندىگى جەردە ەش مۇمكىن ەمەس، ويتكەنى زامان وزگەرىپ كەتتى.
ادام وزگەرۋدە، بۋىن الماسۋدا، اراقاتىناستىڭ جاڭا تۇرلەرى پايدا بولۋدا. جاڭا كوزقاراس، جاڭا وي ەسكى تاپتاۋرىن تۇسىنىكتى ىعىستىرىپ شىعارۋدا.
ەل ەسكىدەن كۇدەر ءۇزىپ، ءومىرىن، ورتاسىن وزگەرۋگە تالپىنۋدا.
ءوزىمنىڭ "دەفورماسيا ۆەرتيكالي" دەيتىن كىتابىمدا: "قازىرگى مەملەكەتتىك باسقارۋ جۇيەسىن تۇبەگەيلى وزگەرتۋدەن وزگە جول جوق"، - دەگەنمىن.
ساياسي جۇيەلەردىڭ كوپشىلىگى كونەرگەن كومپيۋتەرلەر سەكىلدى ۇلكەن اۋقىمدى اقپاراتتى قورىتۋعا قاۋقارى دا، قابىلەتى دە جەتپەيدى. مۇندايدا تولىق اپرگەيد كەرەك بولادى نەمەسە ەسكى كومپيۋتەردى زاماناۋي جاڭا مودەلگە الماستىرۋ قاجەت".
اۋدارعان، دۋمان بىقاي
