Ýkraınanyń jańa ári jas prezıdenti bar. Ol shynaıy, ádil, básekeli saılaýda jeńip shyqty.
Bizde jastardy prezıdenttikke usynbaıdy. Jastardyń azamattyq pozısıasyn eski ádis, eski ádetke sap taptap, tunshyqtyryp, tejegendi jón kóredi.
[perfectpullquote align="full" bordertop="false" cite="" link="" color="" class="" size=""]
Bul jaǵdaı jahanǵa jar salǵan "Jastar jylynda" oryn alyp otyr. Kúleıin be, jylaıyn ba?
[/perfectpullquote]
Olardy jastardyń, óser urpaqtyń erteńgi ómiri tolǵandyrmaıdy. Tym quryǵanda jastardyń talap-tilegine qulaq aspaıdy joǵarǵy jaq...
Olardyń oıy ázirgi saıası status quo-nyń ǵumyryn barynsha uzartý ǵana.
Erteń "Nur Otannyń" sezinde prezıdentikke laıyqty jańa, jas úmitkerdiń ornyna bizge eski bıliktiń ókilin "tanystyrýǵa" tyrysady.
Alaıda júıeniń irgesi áldeqashan sógilgen. Eskishe bılik qurý endigi jerde esh múmkin emes, óıtkeni zaman ózgerip ketti.
Adam ózgerýde, býyn almasýda, araqatynastyń jańa túrleri paıda bolýda. Jańa kózqaras, jańa oı eski taptaýryn túsinikti yǵystyryp shyǵarýda.
El eskiden kúder úzip, ómirin, ortasyn ózgerýge talpynýda.
Ózimniń "Deformasıa vertıkalı" deıtin kitabymda: "Qazirgi memlekettik basqarý júıesin túbegeıli ózgertýden ózge jol joq", - degenmin.
Saıası júıelerdiń kópshiligi kónergen kompúterler sekildi úlken aýqymdy aqparatty qorytýǵa qaýqary da, qabileti de jetpeıdi. Mundaıda tolyq aprgeıd kerek bolady nemese eski kompúterdi zamanaýı jańa modelge almastyrý qajet".
Aýdarǵan, Dýman BYQAI
