باسەكەگە قابىلەتتى سايلاۋ جۇيەسى بار ەلدە پروپورسيونالدى، ماجوريتارلىق نەمەسە ارالاس جۇيەلەردىڭ ارتىقشىلىقتارى مەن كەمشىلىكتەرى تۋرالى ماسەلە كوتەرىپ، اڭگىمە ايتۋعا بولادى، نەگىزى.
ال تۇڭعىش پرەزيدەنتىمىزدىڭ ەلدەگى جۇيەنى پروپورسيونالدى دەپ اتاعانى ەندى، ءتىپتى شىندىققا ساي كەلمەيدى.
ولاردى فەيك پارتيالار، زومبي دەپۋتاتتار دەسە بولادى، ءبىراق ولار ءوز باعدارلاماسىنىڭ، كوشباسشىلارى نەمەسە پارتيالارىنىڭ كۇشىمەن جويقىن دودادا جەڭىسكە جەتىپ، ەلەكتورالدى ماندات جينايتىن كلاسسيكالىق ساياسي پارتيالار قاتارىنا جاتپايدى.
ءبىزدىڭ بيلىككە پارلامەنتتىك سايلاۋعا قايسى ىڭعايلى: پروپورسيونالدىق پا، الدە ماجوريتارلىق جۇيە مە دەپ ويلانىپ، شارشاۋدىڭ تۇككە كەرەگى جوق.
بۇل ارادا باسەكەلەستىك تە، اشىقتىق تا، سايلاۋشىلارى دا جوق الدەقاشان «ءولىپ» قالعان سايلاۋ جۇيەسىنىڭ ءوزىن وزگەرتۋ كەرەك.
باسقا ەلدەردىڭ تاجىريبەسى پارلامەنت سايلاۋىندا پروپورسيونالدىق تا، ماجوريتارلىق تا، ارالاس جۇيەلەر دە بولا بەرەتىنىن كورسەتەدى. ءبىراق ءىستىڭ ءمانىسى وندا ەمەس.
بارلىق جەردىڭ كەم-كەتىگى مەن ءوز ارتىقشىلىعى بولادى. ءبىراق ولاردى بىرىكتىرەتىن جالعىز نارسە بار. ول - جوعارى ساياسي باسەكەلەستىك، فەيك پارتيالاردىڭ، زومبي دەپۋتاتتاردىڭ بولماۋى.
ارينە، ول ارادا دا ساياسي پوپۋليزمگە كەڭىنەن جول بەرىلەدى، ءبىراق پارلامەنتتىڭ قۇرامى قوعامنىڭ كوڭىل-كۇيىنىڭ ايناسى ىسپەتتى، ءبارىن كورسەتىپ تۇرۋى كەرەك.
بىزدەگىدەي اتقارۋشى بيلىكتىڭ قاس-قاباعىن باعىپ، سولاردىڭ ايتقانىنا قۇلدىق ۇرمايدى. سوندىقتان بيلىكتى بولشەكتەمەسە بولمايدى.
ايتپەسە، تۋرا بىزدەگىدەي بولادى: پارلامەنت سايلانبايدى، تەك «پورسيونالدى-مينوريتارلىق جۇيە نەگىزىندە قۇرىلادى. وسى جۇيە ساقتالىپ قالسا، وندا كەز-كەلگەن مەرزىمىنەن بۇرىن پارلامەنتتىك سايلاۋدان جاقسىلىق، ءبىر جاڭاشىلدىق كۇتىپ كەرەگى جوق.
ول ءبىر ورنىندا كەگەجەكتەپ تۇرۋدى بىلدىرەدى. ءبىراق بىزدىكىلەر الىس قاشىقتىققا جۇگىرۋ سەكىلدى ماقتانۋىن اسىراپ جارنامالايدى دەيسىز كەلىپ...
