اقش پرەزيدەنتٸ دونالد ترامپ قىتاي تاۋارلارىنا جوعارى باج سالىعىن ەنگٸزۋدٸ تاعى 90 كٷنگە كەيٸنگە قالدىراتىن جارلىققا قول قويدى, دەپ حابارلايدى Dalanews.kz.
CNBC اگەنتتٸگٸنٸڭ مەلٸمەتٸنشە, دونالد ترامپ قىتاي تاۋارلارىنا جوعارى باج سالىعىن ەنگٸزۋدٸ تاعى 90 كٷنگە كەيٸنگە قالدىرعان جارلىققا قول قويدى. اقش پرەزيدەنتٸ بۇل جارلىققا تٷن ورتاسىنا بٸرنەشە ساعات قالعاندا قول قويعان, ٶيتكەنٸ ونسىز الدىندا قىتايعا قاتىستى ٶزٸ جارييالاعان باجدار ٶز كٷشٸنە ەنەر ەدٸ.
CNBC قۇجاتتىڭ كٷشٸنە ەنۋ مەرزٸمٸن ۇزارتۋ ٶتكەن ايدا بولعان اقش پەن قىتاي اراسىنداعى ساۋدا كەلٸسسٶزدەرٸنٸڭ نەتيجەسٸ ەكەنٸن اتاپ ٶتتٸ.
شٸلدە ايىندا Bloomberg قحر كوممەرتسييا مينيسترٸنٸڭ ورىنباسارى لي چەنگانعا سٸلتەمە جاساي وتىرىپ, قىتاي مەن امەريكا تاراپى بٸر-بٸرٸنٸڭ تاۋارلارىنا سالىنعان جوعارى باج سالىعىن قولدانىسقا ەنگٸزۋ مەرزٸمٸن ۇزارتۋ يدەياسىن قولداعانىن حابارلاعان.
اقش قارجى مينيسترٸ سكوتت بەسسەنت دە بۇعان دەيٸن قۇجاتتى كٷشٸنە ەنگٸزۋ مەرزٸمٸن 90 كٷنگە ۇزارتۋ قاراستىرىلىپ وتىرعان نۇسقالاردىڭ بٸرٸ ەكەنٸن مەلٸمدەگەن. ۆاشينگتون مەن بەيجٸڭ دەلەگاتسييالارى اراسىنداعى ساۋدا كەلٸسسٶزدەرٸنٸڭ ٷشٸنشٸ راۋندى 28-29 شٸلدەدە ستوكگولمدە ٶتتٸ.
الدىڭعى راۋندتار 10-11 مامىردا شۆەيتسارييادا جەنە 9 ماۋسىمدا ۇلىبريتانييادا ٶتتٸ. بۇعان دەيٸن ترامپ قىتايمەن ارادا ساۋدا كەلٸسٸمٸنە قول قويعانىن ايتقان بولاتىن.
كەيٸنٸرەك اقش ساۋدا مينيسترٸ گوۆارد لاتنيك ترامپ اتاپ ٶتكەن قول قويىلعان قۇجات اقش پەن قىتايدىڭ جەنەۆا مەن لوندونداعى ساۋدا كەلٸسسٶزدەرٸندە قول جەتكٸزگەن باجدار بويىنشا بەكٸتٸلگەن كەلٸسٸمدەرٸ ەكەنٸن, ونىڭ ەكٸ ەل اراسىنداعى جان-جاقتى ساۋدا كەلٸسٸمٸنە جاتپايتىنىن جەتكٸزگەن.
ايتا كەتسەك, اقش پرەزيدەنتٸ دونالد ترامپ ٶزارا باج دەپ اتالاتىن جارلىعى 7 تامىزدىڭ تٷن ورتاسىندا (مەسكەۋ ۋاقىتىمەن 07:00) ٶز كٷشٸنە ەنگەنٸن راستادى. يە,1 تامىزدا ترامپ 60-تان استام مەملەكەت پەن ەۋروپالىق وداققا قاتىستى دا 15%-دان 41%-عا دەيٸنگٸ ارالىقتى قامتيتىن باج سالىعىن ەنگٸزۋ تۋرالى جارلىققا قول قويدى. ەڭ جوعارى تاريفتەر سيرييا (41%), لاوس (40%), ميانما (40%), شۆەيتسارييا (39%), يراك (35%) جەنە سەربييا (35%) سيياقتى مەملەكەتتەرگە باعىتتالعان. قازاقستانعا 25 پايىزدىق باج سالىعى ەنگٸزٸلەتٸنٸ دە ەسكەرتٸلگەن. بۇل تٸزٸمدە رەسەي جوق. سەبەبٸ سانكتسييالارعا بايلانىستى ارادا الىس-بەرٸس ەلدەقاشان توقتاعان. دەگەنمەن ترامپ 8 تامىزدان كەيٸن رەسەيگە مۇناي سالاسىن قامتيتىن قاتاڭ سانكتسييا ەنگٸزەتٸنٸن جارييالاپ, ۋلتيماتۋم قويعان بولاتىن. بۇل رەتتە بەلگٸلٸسٸ, 6 تامىزدا اقش پرەزيدەنتٸنٸڭ رەسەي مۇنايىن تۇتىنىپ قانا قويماي, ونى ٶڭدەپ باتىس ەلدەرٸنە ساتۋ ارقىلى ەكونوميكاسىن كٶتەرٸپ وتىرعان ٷندٸستانعا باج سالىعىن سالاتىن جارلىققا قول قويعانى. ول تامىزدىڭ سوڭىندا كٷشٸنە ەنەدٸ دەپ كٷتٸلەدٸ. اق ٷي قىتايعا دا وسىنداي شارا قولدانىلاتىنىن جارييالاپ ٷلگەردٸ. وسى مەسەلەلەردٸ تالقىلاۋ ٷشٸن اقش پەن رف پرەزيدەنتتەرٸ كەزدەسپەك نيەتتە. بۇل تۋرالى كرەملدە ۆلاديمير پۋتين اقش پرەزيدەنتٸنٸڭ ارنايى ٶكٸلٸ ستيۆەن ۋيتكوففتى قابىلداعاننان كەيٸن ايتىلدى. قوس كٶشباسشىنىڭ كەزدەسۋٸ 11 تامىزعا بەلگٸلەنگەنٸ بەلگٸلٸ بولدى.
