ناۋرىز ايىنىڭ سوڭىندا ەلىمىزگە بەلگىلى رەجيسسەر جۇلدىزبەك جۇمانبايدىڭ جاڭا قويىلىمى كورەرمەندەر نازارىنا ۇسىنىلادى، دەپ حابارلايدى Dalanews.kz didar-gazeti.kz كە سىلتەمە جاساپ.
شىعىس قازاقستان وبلىستىق دراما تەاترى رەجيسسەردى اتتاي قالاپ شاقىرتقان.
ءقازىر تەاتردا سافۋان شايمەردەنوۆتىڭ «دوكەي كەلە جاتىر» كومەديالىق سپەكتاكلىنە قىزۋ دايىندىق ءجۇرىپ جاتىر.
ادامدى كۇلدىرۋ، جاي عانا كۇلدىرىپ قويماي، سول ارقىلى شىندىقتى جەتكىزە ءبىلۋ ۇلكەن شەبەرلىكتى قاجەت ەتەدى. رەجيسسەردىڭ ايتۋىنشا، قويىلىم ادەمى ازىلمەن، قازاقى قالجىڭمەن ءورىلىپ جازىلعان. تەاتر اكتەرلەرى ءار كەيىپكەردىڭ مىنەز-قۇلقىن، بولمىسىن اشۋ ءۇشىن بارىن سالىپ جاتىر
– سافۋان شايمەردەنوۆتىڭ «دوكەي كەلە جاتىر» اتتى دراماسى كەڭەستىك زاماندا جازىلعان شىعارما. سوندىقتان ءبىز ونى بۇگىنگى زامانعا لايىقتاپ، ان-بيمەن ارلەدىك. ونداعى ويىمىز – اۋىلداعى اقكوڭىل، كەڭ جۇرەكتى قازاقتى كورسەتۋ. سپەكتاكل ارقىلى حالىققا جاقسى ءبىر كوڭىل كۇي سىيلاۋ، – دەدى جۇلدىزبەك جۇمانباي.
بيىلعى 30 ناۋرىزدا شىعىس قازاقستان وبلىستىق دراما تەاترىندا قازاقتىڭ اسا كورنەكتى جازۋشىلارىنىڭ ءبىرى، مەملەكەتتىك سىيلىقتىڭ لاۋرەاتى سافۋان شايمەردەنوۆتىڭ «دوكەي كەلە جاتىر» كومەدياسى كورەرمەن نازارىنا ۇسىنىلادى. ايتا كەتەيىك، بۇل «بولاشاق» باعدارلاماسىمەن ءبىلىم العان رەجيسسەردىڭ وبلىستىق دراما تەاترىنداعى العاشقى قويىلىمى.
