Naýryz aiynyń sońynda elimizge belgili rejisser Juldyzbek Jumanbaidyń jańa qoiylymy kórermender nazaryna usynylady, dep habarlaidy Dalanews.kz didar-gazeti.kz ke silteme jasap.
Shyǵys Qazaqstan oblystyq drama teatry rejisserdi attai qalap shaqyrtqan.
Qazir teatrda Safýan Shaimerdenovtiń «Dókei kele jatyr» komediialyq spektakline qyzý daiyndyq júrip jatyr.
Adamdy kúldirý, jai ǵana kúldirip qoimai, sol arqyly shyndyqty jetkize bilý úlken sheberlikti qajet etedi. Rejisserdiń aitýynsha, qoiylym ádemi ázilmen, qazaqy qaljyńmen órilip jazylǵan. Teatr akterleri ár keiipkerdiń minez-qulqyn, bolmysyn ashý úshin baryn salyp jatyr
– Safýan Shaimerdenovtiń «Dókei kele jatyr» atty dramasy keńestik zamanda jazylǵan shyǵarma. Sondyqtan biz ony búgingi zamanǵa laiyqtap, án-bimen árledik. Ondaǵy oiymyz – aýyldaǵy aqkóńil, keń júrekti qazaqty kórsetý. Spektakl arqyly halyqqa jaqsy bir kóńil kúi syilaý, – dedi Juldyzbek Jumanbai.
Biylǵy 30 naýryzda Shyǵys Qazaqstan oblystyq drama teatrynda qazaqtyń asa kórnekti jazýshylarynyń biri, Memlekettik syilyqtyń laýreaty Safýan Shaimerdenovtiń «Dókei kele jatyr» komediiasy kórermen nazaryna usynylady. Aita keteiik, bul «Bolashaq» baǵdarlamasymen bilim alǵan rejisserdiń oblystyq drama teatryndaǵy alǵashqy qoiylymy.
