ونىڭ ويىنشا، بۇگىندە جەرگىلىكتى جەردەگى كونكۋرستىق كوميسسيالارعا قاتىستى ەرەجەلەرگە وزگەرىس ەنگىزگەن ءجون
«ەرەجەدە كوميسسيالار تۇراقتى جۇمىس ىستەيدى دەگەن ءسوز بار. ءبىراق ولار نەشە جىل جۇمىس ىستەيدى، قانشا جىلدىق مەرزىمى بار، قانداي قۇقىعى بار سياقتى ماسەلەلەر جازىلماعان. سوندىقتان بىزدەر ءوز تاراپىمىزدان 5 جىل جۇمىس ىستەيدى دەگەن ۇسىنىس جاساپ وتىرمىز. سول ۋاقىتتاردا اكىمشىلىك وزگەرگەمەن كوميسسيا وزگەرمەۋى كەرەك. سەبەبى ءاربىر اكىمشىلىك ءوزى كەلەدى دە، جەردى بولەتىن ۋاقىتتاردا وزىنە كوميسسيا جاساقتاپ الادى. سوندىقتان كوميسسيانىڭ تۇراقتى مەرزىمى بولۋى قاجەت دەپ ەسەپتەيمىز. مۇمكىن ول بەس جىل بولمايدى، باسقا، ءبىراق ەندى تۇراقتى بولۋى قاجەت دەگەننەن كەيىن ءبىز بەس جىل ۇسىنىپ وتىرمىز»، – دەيدى د.كوشىم.
بۇدان بولەك، كونكۋرستىق كوميسسيالاردىڭ قۇرامىنا قاتىستى كوپتەگەن ماسەلەلەر بار. حالىق ونىڭ قۇرامىنا كىرەتىن بيلىك وكىلدەرىنە سەنبەيدى.
«ەكىنشىدەن، ەرەجەدە كوميسسيا مۇشەلەرى بەس ادامنان كەم بولماۋى كەرەك دەگەن تالاپ بار. ونىڭ ىشىندە اۋىلدىق وكرۋگتەردىڭ اكىمدەرى، جەر رەسۋرستارىنىڭ جانە تاعى باسقا اتقارۋشى بيلىكتىڭ ازاماتتارى بار. ارينە، ءقازىر اتامەكەندى (قازىرگى ۇسىنىستار بويىنشا – اۆت.) قوسىپ وتىر. ودان تاعى باسقا. ءبىراق ءبىزدىڭ ويىمىزشا، بارلىق اۋىلدىق وكرۋگتاردان ءبىر-بىر ادام كوميسسيانىڭ مۇشەسى بولۋى قاجەت. بۇل كوميسسيا اي سايىن جۇمىس ىستەمەيدى، جىلىنا ءبىر ىستەي مە، ەكى جىلدا ءبىر ىستەي مە. سول ۋاقىتتاردا جەرگە تىكەلەي قاتىسى بار، جەرمەن جۇمىس ىستەپ جۇرگەن ادامداردى ءاربىر اۋىلدىڭ جينالىسى بەكىتىپ، سول كوميسسياعا كىرۋى ءتيىس. سوندا بارلىق ادامداردىڭ قاتىسۋى بولادى. سونداي-اق اۋداندىق پروكۋرور كوميسسيانىڭ مۇشەسى مىندەتتى تۇردە بولۋى قاجەت. ول كوميسسيانىڭ زاڭدىلىعىن باقىلاۋتىن بولادى. وعان قوسا، قوعاملىق ۇيىمدار مەن بۇقارالىق اقپارات قۇرالدارى كوميسسيانىڭ جۇمىسىنا قاتىسۋى شارت. قىسقاسى، كوميسسيانىڭ ءۇشتىن ءبىر بولىگى عانا بيلىكتە، قالعانى قاراپايى حالىق بولۋى قاجەت دەپ سانايمىز»، - دەپ اتاپ كورسەتتى ساياساتتانۋشى.
ارمان اسقاروۆ
