Onyń oiynsha, búginde jergilikti jerdegi konkýrstyq komissiialarǵa qatysty erejelerge ózgeris engizgen jón
«Erejede komissiialar turaqty jumys isteidi degen sóz bar. Biraq olar neshe jyl jumys isteidi, qansha jyldyq merzimi bar, qandai quqyǵy bar siiaqty máseleler jazylmaǵan. Sondyqtan bizder óz tarapymyzdan 5 jyl jumys isteidi degen usynys jasap otyrmyz. Sol ýaqyttarda ákimshilik ózgergemen komissiia ózgermeýi kerek. Sebebi árbir ákimshilik ózi keledi de, jerdi bóletin ýaqyttarda ózine komissiia jasaqtap alady. Sondyqtan komissiianyń turaqty merzimi bolýy qajet dep esepteimiz. Múmkin ol bes jyl bolmaidy, basqa, biraq endi turaqty bolýy qajet degennen keiin biz bes jyl usynyp otyrmyz», – deidi D.Kóshim.
Budan bólek, konkýrstyq komissiialardyń quramyna qatysty kóptegen máseleler bar. Halyq onyń quramyna kiretin bilik ókilderine senbeidi.
«Ekinshiden, erejede komissiia músheleri bes adamnan kem bolmaýy kerek degen talap bar. Onyń ishinde aýyldyq okrýgterdiń ákimderi, jer resýrstarynyń jáne taǵy basqa atqarýshy biliktiń azamattary bar. Árine, qazir Atamekendi (qazirgi usynystar boiynsha – avt.) qosyp otyr. Odan taǵy basqa. Biraq bizdiń oiymyzsha, barlyq aýyldyq okrýgtardan bir-bir adam komissiianyń múshesi bolýy qajet. Bul komissiia ai saiyn jumys istemeidi, jylyna bir istei me, eki jylda bir istei me. Sol ýaqyttarda jerge tikelei qatysy bar, jermen jumys istep júrgen adamdardy árbir aýyldyń jinalysy bekitip, sol komissiiaǵa kirýi tiis. Sonda barlyq adamdardyń qatysýy bolady. Sondai-aq aýdandyq prokýror komissiianyń múshesi mindetti túrde bolýy qajet. Ol komissiianyń zańdylyǵyn baqylaýtyn bolady. Oǵan qosa, qoǵamlyq uiymdar men buqaralyq aqparat quraldary komissiianyń jumysyna qatysýy shart. Qysqasy, komissiianyń úshtin bir bóligi ǵana bilikte, qalǵany qarapaiy halyq bolýy qajet dep sanaimyz», - dep atap kórsetti saiasattanýshy.
Arman ASQAROV
