Almaty oblysynda alaiaqtar UFC sportshysy Oleg Taktarovtyń beinesin paidalanǵan, dep habarlaidy dalanews.kz.
Politsiianyń málimetinshe, qazir qaskóiler jasandy intellekt kómegimen tanymal adamdardyń beinesi men daýysyn qoldan jasap, ózderin bank nemese arnaiy qyzmet ókili retinde tanystyratyn bolǵan.
Osyndai jaǵdailardyń birinde politsiia qyzmetkerine belgisiz adamdar habarlasyp, ózderin Ulttyq bank qyzmetkerleri retinde tanystyrǵan. Olar áieldiń atyna zańsyz esepshottar rásimdelgenin aityp, aqshany "zańdastyrý" úshin aýdarýǵa kóndirmek bolǵan.
Keiin alaiaqtar beineqońyraý arqyly ózin arnaiy qyzmet ókili retinde kórsetken adamdy bailanysqa qosqan. Onyń beinesi reseilik sportshy ári akter Oleg Taktarovqa qatty uqsaǵan.
Alaida politsiia qyzmetkeri alaiaqtyq belgilerin birden baiqap, áńgimeni toqtatqan. Áshkerelengenin túsingen kúdiktiler qaita habarlaspaǵan.
Politsiia mundai alaiaqtyq tásilderi keiingi kezde jiilep ketkenin aityp, azamattardy saq bolýǵa shaqyrdy.
