الماتى وبلىسىندا الاياقتار UFC سپورتشىسى ولەگ تاكتاروۆتىڭ بەينەسٸن پايدالانعان, دەپ حابارلايدى dalanews.kz.
پوليتسييانىڭ مەلٸمەتٸنشە, قازٸر قاسكٶيلەر جاساندى ينتەللەكت كٶمەگٸمەن تانىمال ادامداردىڭ بەينەسٸ مەن داۋىسىن قولدان جاساپ, ٶزدەرٸن بانك نەمەسە ارنايى قىزمەت ٶكٸلٸ رەتٸندە تانىستىراتىن بولعان.
وسىنداي جاعدايلاردىڭ بٸرٸندە پوليتسييا قىزمەتكەرٸنە بەلگٸسٸز ادامدار حابارلاسىپ, ٶزدەرٸن ۇلتتىق بانك قىزمەتكەرلەرٸ رەتٸندە تانىستىرعان. ولار ەيەلدٸڭ اتىنا زاڭسىز ەسەپشوتتار رەسٸمدەلگەنٸن ايتىپ, اقشانى "زاڭداستىرۋ" ٷشٸن اۋدارۋعا كٶندٸرمەك بولعان.
كەيٸن الاياقتار بەينەقوڭىراۋ ارقىلى ٶزٸن ارنايى قىزمەت ٶكٸلٸ رەتٸندە كٶرسەتكەن ادامدى بايلانىسقا قوسقان. ونىڭ بەينەسٸ رەسەيلٸك سپورتشى ەرٸ اكتەر ولەگ تاكتاروۆقا قاتتى ۇقساعان.
الايدا پوليتسييا قىزمەتكەرٸ الاياقتىق بەلگٸلەرٸن بٸردەن بايقاپ, ەڭگٸمەنٸ توقتاتقان. ەشكەرەلەنگەنٸن تٷسٸنگەن كٷدٸكتٸلەر قايتا حابارلاسپاعان.
پوليتسييا مۇنداي الاياقتىق تەسٸلدەرٸ كەيٸنگٸ كەزدە جيٸلەپ كەتكەنٸن ايتىپ, ازاماتتاردى ساق بولۋعا شاقىردى.
