Jýrnalist Dúisenáli Álimaqyn áleýmettik jelide Astanadaǵy Qalamgerler alleiasynda bolǵan keleńsiz jaǵdaiǵa kýá bolǵanyn jazdy, dep habarlaidy dalanews.kz.
Onyń aitýynsha, demalyp otyrǵan kezde birneshe adamnyń mádeni nysanǵa qurmetsizdik tanytqanyn baiqap qalǵan.
“Qalamgerler alleiasynda otyr edim. Kenet osyndai jaǵymsyz jaǵdaiǵa tap boldym. Qastaryna baryp, “bul tulǵalardyń kim ekenin bilesińder me?” dep suradym. Biraq olar “Chto? Chto?” degennen asa almady. Olardyń áreketin dálel retinde videoǵa túsirip aldym. Eshqandai uialý da, keshirim suraý da bolmady”, – dep jazdy jýrnalist.
Ol bul áreketti “basyný ma, álde nadandyq pa?” dep baǵalady.
Astana politsiiasy atalǵan oqiǵaǵa qatysty ázirge resmi pikir bildirgen joq.
