«ءماسليحات دەپۋتاتتارى بيۋدجەتتى بەكىتەتىن اكىمدەردىڭ جەكە كونتورىن ەلەستەتەدى.
ياعني، قاي دەڭگەيدى الىپ قاراساڭ دا، زاڭ شىعارۋشى جۇيە حالىقتىڭ مۇڭىن ويلاۋدان گورى، مەملەكەتتىڭ قىزمەتشىسى ءتارىزدى. دەپۋتاتتار وزدەرىن سولاي سەزىنەدى دە. زاڭ شىعارۋ تارماق، مەملەكەتتىڭ زاڭ شىعارۋشى ورگانى دەگەن جاڭساق پىكىر قالىپتاسقان.
مىنە، بۇل بۇرىس باعىت. وكىنىشكە وراي، بۇگىنگى دەپۋتاتتاردى سولاي "تاربيەلەپ" قويعان»، - دەيدى سايروۆ.
ونىڭ ويىنشا بار ماسەلە – جۇيەدە. جۇيە دۇرىس ەمەس.
«ءبىز ناقتى دەپۋتات تۇلعالار جونىندە ەمەس، جۇيە جونىندە ايتىپ وتىرمىز. دەپۋتاتتاردىڭ باسىم كوپشىلىگى تازا، ادال، پاتريوت ازاماتتار. ءوزىمىزدىڭ تانىسىمىز، بىرەۋىمىزدىڭ تۋىسىمىز، ءبىزدىڭ قاتاردان شىققان.
ءبىراق، جۇيەنىڭ ىشىنە كىرگەندە وزگەرەدى. جۇيە ولاردى "سىندىرىپ" تاستايدى.
زاڭ شىعارعاندا دا ءبىزدىڭ دەپۋتاتتار، "مەملەكەت مۇددەسى" تۇرعىسىنان قاراۋعا تىرىسادى.
ال سول مەملەكەتتە ازاماتتاردىڭ تۇراتىندىعىن، ازاماتتارسىز مەملەكەتتىڭ بولمايتىندىعىن، زاڭنىڭ ازاماتتارعا قولايلى بولۋى كەرەك ەكەندىگىن ويلارىنان شىعارىپ الادى. ماسەلە وسىندا»، – دەيدى ساياساتتانۋشى.
ونىڭ پىكىرىنشە دەپۋتاتتار زاڭ شىعارعاننىڭ وزىندە ازاماتتارعا قولايلىلىق جاعىن باسا ويلاۋى كەرەك. ويتكەنى، مەملەكەت دەگەنىمىز ازاماتتار.
«تاعى ءبىر ماسەلە، دەپۋتاتتار مورالدىق بەدەلى بار، العىر بولۋلارى كەرەك. پاندەميا كەزىندە قاي حالىق قالاۋلىسى ءبىر الەۋمەتتىك ينيسياتيۆامەن شىقتى؟
وكىنىشكە وراي، جوق.
ءقازىر ينتەرنەت زامانى، اقپارات كوپ. شەتەلدە دەپۋتاتتار ءار-تۇرلى الەۋمەتتىك ينيسياتيۆامەن شىعىپ جاتادى. بىزدە جوق. سوندىقتان، قوعام دەپۋتاتقا كەرمەك قارايدى.
زاڭ شىعارۋشى تارماقتىڭ حالىق الدىندا بەدەلى بار، ىقپالدى تۇلعالارمەن تولىقسىعان، ءوزىنىڭ ويىن اشىق جەتكىزۋگە قابىلەتتى ازاماتتاردان ءقۇرالعانى جۇيەگە قاجەت. ەگەر پارلامەنت مىعىم، مىقتى بولسا، جۇيە ورنىقتى بولادى.
پارلامەنت شىن مانىندە وكىمەتكە اسەر ەتە الاتىن بولسا، ادىلەتتىلىك پرينسيپتەرى پايدا.
پارلامەنت ساياسي ءار-تاراپتى بولسا، كوشە ستيحياسى سايابىرسىنادى. ساياسي اسىرە اعىمدار ازايادى.
حالىق ءوزىنىڭ شىنايى قالاۋلىلارىنىڭ بار ەكەندىگىنە كوز جەتكىزگەن كەزدە، جۇيەدە تۇراقتىلىق پايدا بولادى. سوندىقتان، پارلامەنتتىڭ ءرولىن ارتتىرۋ كەرەك...»، – دەيدى ساراپشى.
