باس پروكۋراتۋرا قىز الىپ قاشۋعا قاتىستى مالىمدەمە جاسادى، دەپ حابارلايدى Dalanews.kz.
بيىل 16 شىلدەدە پرەزيدەنت "قىلمىستىق زاڭنامانى وڭتايلاندىرۋ-جەتىلدىرۋ بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى" زاڭعا قول قويدى. زاڭ 60 كۇن وتكەن سوڭ قولدانىسقا ەنگىزىلەدى.
ال زاڭ كۇشىنە ەنگەننەن كەيىن نەكە قيۋعا ماجبۇرلەگەنى ءۇشىن قىلمىستىق كودەكسكە جاڭا 125-1-باپ ەنگىزىلەدى. بۇل باپتا 10 جىلعا دەيىن باس بوستاندىعىنان ايىرۋ جازاسى كوزدەلگەن.
پروكۋراتۋرا بۇل ءداستۇر ەمەس، قىلمىس ەكەنىن مالىمدەدى.
"نەكە ەكى ادامنىڭ ەركىن جانە سانالى كەلىسىمىمەن قۇرىلۋعا ءتيىس. ازاماتتارعا كەلىسىمسىز قىز الىپ قاشۋ ءداستۇر ەمەس، قىلمىس ەكەنىن ەسكەرتەمىز"، - دەپ جازىلعان حابارلامادا.
