Bas prokýratýra qyz alyp qashýǵa qatysty málimdeme jasady, dep habarlaıdy Dalanews.kz.
Bıyl 16 shildede Prezıdent "Qylmystyq zańnamany ońtaılandyrý-jetildirý boıynsha keıbir zańnamalyq aktilerge ózgerister men tolyqtyrýlar engizý týraly" zańǵa qol qoıdy. Zań 60 kún ótken soń qoldanysqa engiziledi.
Al zań kúshine engennen keıin neke qıýǵa májbúrlegeni úshin Qylmystyq kodekske jańa 125-1-bap engiziledi. Bul bapta 10 jylǵa deıin bas bostandyǵynan aıyrý jazasy kózdelgen.
Prokýratýra bul dástúr emes, qylmys ekenin málimdedi.
"Neke eki adamnyń erkin jáne sanaly kelisimimen qurylýǵa tıis. Azamattarǵa kelisimsiz qyz alyp qashý dástúr emes, qylmys ekenin eskertemiz", - dep jazylǵan habarlamada.
