شىعىس قازاقستان وبلىسىندا پرەزيدەنت تاپسىرمالارىن ورىنداۋ ءۇشىن جۇيەلى جوسپار جاسالىپ جاتىر. ءوڭىر اكىمى دانيال احمەتوۆتىڭ ايتۋىنشا، بالالار سپورتى دامىتىلىپ، اۋىل شارۋاشىلىعى ونىمدەرىنىڭ ەكسپورتى ارتىپ، IT ماماندىقتار بويىنشا گرانت سانى
بالالار سپورتى – باستى نازاردا پرەزيدەنت قاسىم-جومارت توقايەۆتىڭ «حالىق بىرلىگى جانە جۇيەلى رەفورمالار – ەلدىڭ وركەندەۋىنىڭ بەرىك نەگىزى» اتتى جولداۋىن تالقىلاۋ ماقساتىندا وبلىس اكىمدىگىندە جينالىس ءوتتى. جيىندا مەملەكەت باسشىسىنىڭ باستامالارى تالقىعا سالىنىپ، تاپسىرمالاردىڭ ىسكە اسىرىلۋ بارىسى ءسوز ەتىلدى.
– جولداۋدا بالالار سپورتىن دامىتۋ جونىندە ايتىلعان. وسى باعىتتا وڭىردە 2025 جىلعا دەيىن جالپى ءبىلىم بەرەتىن مەكتەپتەردە قوسىمشا 3213 سپورت سەكسياسى اشىلادى. بيىل 22 مىڭ بالانى قامتيتىن 1268 سەكسيا ءوز جۇمىسىن باستاماق، – دەدى وبلىس اكىمى دانيال احمەتوۆوز ءوز سوزىندە.
سونداي-اق وڭىردە سپورت سەكسيالارىن قارجىلاندىرۋعا ارنالعان مەملەكەتتىك تاپسىرىس جۇيەسىن ەنگىزۋدىڭ ارقاسىندا بالالاردى تارتۋ بىرنەشە ەسەگە ارتادى. قازىردە بالالار مەن جاسوسپىرىمدەردىڭ 109 مىڭى نەمەسە جالپى سانىنىڭ 56،4%-ى سپورتپەن تەگىن اينالىسۋعا مۇمكىندىك العان.
وتكەن جىلى ولاردىڭ سانى 85 مىڭ بولعان ەدى. ايماق باسشىسىنىڭ ايتۋىنشا، شىعىس قازاقستاندا ءۇش ءىرى ماي ەكستراكسيالاۋ زاۋىتى بوي كوتەرمەك. سونىڭ ناتيجەسىندە، 1 ميلليون تونناعا دەيىن مايلى داقىلدار وڭدەلەتىن بولادى.
– وبلىستا اۋىل شارۋاشىلىعى سالاسىنا ەرەكشە نازار اۋدارىلعان. نەگىزگى مىندەتتەردىڭ ءبىرى – جەمشوپ داقىلدارىنىڭ ەگىس القاپتارىن ۇلعايتۋ. ينۆەستيسيالىق جوبالاردىڭ ارقاسىندا 2025 جىلعا قاراي وسى ماقساتتاعى ەگىس القابى 28 مىڭ گەكتارعا ۇلعايتىلادى. ەڭ الدىمەن ەكسپورتقا ارنالعان ءونىم كولەمىن ارتتىرۋ كوزدەلىپ وتىر. جوسپار بويىنشا الداعى جىلدارى اۋىل شارۋاشىلىعى ونىمدەرىنىڭ ەكسپورتى 4 ەسەگە وسەدى. سوندىقتان ونىمدىلىكتى، جايىلىم القاپتارىن كوبەيتۋدى، اۋىل شارۋاشىلىعى تەحنيكاسى پاركىن جاڭارتۋ جانە وندىرىستەردى جاڭعىرتۋ بويىنشا جۇمىستى جالعاستىرامىز. سونداي-اق ۆەتەريناريا سالاسىن دامىتۋدىڭ دا كەشەندى جوسپارىن ازىرلەۋ قاجەت، – دەدى دانيال احمەتوۆ.
مەملەكەت تىلگە ەرەكشە كوڭىل بولىنەدى پرەزيدەنت جولداۋىندا قازاق ءتىلىن ناسيحاتتاپ، ەلدىڭ مادەني-تاريحي مۇراسىن زەردەلەپ جانە ءتيىمدى پايدالانۋ قاجەتتىگىن ايتقان. وسى ورايدا شىعىس قازاقستاندا وزگە ۇلتتارعا قازاق ءتىلىن ۇيرەتۋگە ەرەكشە كوڭىل بولىنەدى.
– بۇل ماقساتتا قازاقستان حالقى اسسامبلەياسىنىڭ دوستىق ۇيلەرى، «ۆوزروجدەنيە» ءتىل مەكتەبى، لينگۆيستيكالىق كابينەتتەر جان-جاقتى جۇمىس جۇرگىزۋدە. وبلىستا «سيتۋاسيالىق قازاق ءتىلى» جوباسى ىسكە اسىرىلۋدا. بۇل اۋىزەكى ءتىلدى ۇيرەنۋدىڭ ەڭ قاراپايىم جانە ءتيىمدى ءتاسىلى بولىپ وتىر. ارحەولوگيالىق زەرتتەۋلەر باعدارلاماسىن جۇزەگە اسىرۋدى جالعاستىرامىز. وسىنىڭ ارقاسىندا بەلگىلى ارحەولوگتار زەينوللا ساماشيەۆ پەن ابدەش تولەۋبايەۆ سەنساسيالىق اشۋلار جاساۋدا. بىرەگەي ارتەفاكتىلەرىمىز بەن ارحەولوگيالىق ولجالارىمىزدى حالىقارالىق دەڭگەيگە شىعارۋعا دايىنبىز. وسى جىلدىڭ 28 قىركۇيەگىنەن باستاپ 2022 جىلدىڭ 30 قاڭتارىنا دەيىن «ۇلى دالا التىنى» كورمەسى ۇلىبريتانياداعى كەمبريدج ۋنيۆەرسيتەتىنە قويىلاتىن بولادى. بۇل قازاقستاننىڭ تاريحي مۇراسىن ىلگەرىلەتۋدەگى ماڭىزدى قادام، – دەدى شقو اكىمى.
سونىمەن قاتار 3 تومدىق «شىعىس قازاقستاننىڭ ەجەلگى ءداۋىرى» جانە «قازاقستان تاريحى» مونوگرافيالارىن باسىپ شىعارۋعا دايىندىق جۇمىستارى جۇرگىزىلۋدە. جولداۋدا ايتىلعان باستامالاردىڭ ءبىرى – 2022-2025 جىلدار ارالىعىندا بيۋدجەت سالاسىنىڭ كەيبىر قىزمەتكەرلەرىنىڭ جالاقىسىن جىل سايىن 20 پايىزعا ارتتىرۋ.
– بۇل شەشىم 42 مىڭعا جۋىق جەرلەسىمىزگە قاتىستى بولماق. سونداي-اق مەملەكەت باسشىسىنىڭ زەينەتاقى قورىنداعى جەتكىلىكتىلىك شەگىنەن اساتىن جيناقتى «وتباسى بانكىنە» اۋدارۋعا رۇقسات بەرۋ كەرەك دەپ سانايتىنى ەرەكشە ماڭىزعا يە. پرەزيدەنتتىڭ العا قويعان جاڭا ماقساتتارى بىزگە ستراتەگيالىق مىندەتتەرگە سايكەس، شەكارا ماڭىنداعى اۋماقتار مەن بۇرىنعى اۋدان ورتالىقتارىن دامىتۋدى ەسكەرە وتىرىپ، وبلىستىڭ دامۋ جوسپارىن ايقىنداۋعا مۇمكىندىك بەرەدى، – دەدى دانيال احمەتوۆ. ونىڭ ايتۋىنشا، بيزنەستى كەڭىنەن قولداۋ بويىنشا جۇمىس جۇيەلى تۇردە جالعاساتىن بولادى.
سوڭعى 2 جىلدا وڭىردە 3 مىڭعا جۋىق جوبانى ىسكە اسىرۋعا مەملەكەت تاراپىنان 5،4 ملرد تەڭگە بولىنگەن.
– بىلىكتى ماماندار دايىندالماق «قاسىم-جومارت كەمەل ۇلى IT-سەكتوردى جاس ءارى ىنتالى كادرلارمەن كۇشەيتۋدى، كەمىندە 100 مىڭ جوعارى بىلىكتى مامان دايىنداۋدى تاپسىردى. وسى ماقساتتا وبلىستا IT-ماماندىقتار بويىنشا گرانتتار سانىن جىل سايىن 10 پايىزعا ارتتىرۋ قاجەت. سونداي-اق ءبىلىم بەرۋ ۇيىمدارىنىڭ بازاسىندا حالىقارالىق ستاندارتتار بويىنشا باعدارلامالاۋ كابينەتتەرىن اشۋ كەرەك»، - دەدى ءوڭىر باسشىسى.
ءوز سوزىندە ول شىعىس قازاقستاندا اتالمىش سالانى دامىتۋ ءۇشىن ءبىرقاتار شارا اتقارىلىپ جاتقاندىعىن ايتتى. «ماسەلەن، بۇگىندە وبلىستا ۆەدومستۆوارالىق ءبىرىڭعاي احۋالدىق ورتالىق جۇمىس ىستەۋدە. سونىڭ ناتيجەسىندە، جىل باسىنان بەرى 6 مىڭنان استام اكىمشىلىك قۇقىق بۇزۋشىلىق پەن قىلمىس اشىلىپ، 1،3 ملرد تەڭگە ايىپپۇل وندىرىلگەن» دەدى دانيال احمەتوۆ. وسىلايشا، وبلىستا پرەزيدەنت تاپسىرمالارىن ىسكە اسىرۋدىڭ جولدارى ايقىندالا باستادى. ەندى باعىتتىڭ دۇرىستىعىن، جۇمىستىڭ ناتيجەلىگىن ۋاقىت كورسەتەدى.
