Shyǵys Qazaqstan oblysynda Prezident tapsyrmalaryn oryndaý úshin júieli jospar jasalyp jatyr. Óńir ákimi Danial Ahmetovtyń aitýynsha, balalar sporty damytylyp, aýyl sharýashylyǵy ónimderiniń eksporty artyp, IT mamandyqtar boiynsha grant sany
Balalar sporty – basty nazarda Prezident Qasym-Jomart Toqaevtyń «Halyq birligi jáne júieli reformalar – eldiń órkendeýiniń berik negizi» atty Joldaýyn talqylaý maqsatynda oblys ákimdiginde jinalys ótti. Jiynda Memleket basshysynyń bastamalary talqyǵa salynyp, tapsyrmalardyń iske asyrylý barysy sóz etildi.
– Joldaýda balalar sportyn damytý jóninde aitylǵan. Osy baǵytta óńirde 2025 jylǵa deiin jalpy bilim beretin mektepterde qosymsha 3213 sport sektsiiasy ashylady. Biyl 22 myń balany qamtityn 1268 sektsiia óz jumysyn bastamaq, – dedi oblys ákimi Danial Ahmetovóz óz sózinde.
Sondai-aq óńirde sport sektsiialaryn qarjylandyrýǵa arnalǵan memlekettik tapsyrys júiesin engizýdiń arqasynda balalardy tartý birneshe esege artady. Qazirde balalar men jasóspirimderdiń 109 myńy nemese jalpy sanynyń 56,4%-y sportpen tegin ainalysýǵa múmkindik alǵan.
Ótken jyly olardyń sany 85 myń bolǵan edi. Aimaq basshysynyń aitýynsha, Shyǵys Qazaqstanda úsh iri mai ekstraktsiialaý zaýyty boi kótermek. Sonyń nátijesinde, 1 million tonnaǵa deiin maily daqyldar óńdeletin bolady.
– Oblysta aýyl sharýashylyǵy salasyna erekshe nazar aýdarylǵan. Negizgi mindetterdiń biri – jemshóp daqyldarynyń egis alqaptaryn ulǵaitý. Investitsiialyq jobalardyń arqasynda 2025 jylǵa qarai osy maqsattaǵy egis alqaby 28 myń gektarǵa ulǵaitylady. Eń aldymen eksportqa arnalǵan ónim kólemin arttyrý kózdelip otyr. Jospar boiynsha aldaǵy jyldary aýyl sharýashylyǵy ónimderiniń eksporty 4 esege ósedi. Sondyqtan ónimdilikti, jaiylym alqaptaryn kóbeitýdi, aýyl sharýashylyǵy tehnikasy parkin jańartý jáne óndiristerdi jańǵyrtý boiynsha jumysty jalǵastyramyz. Sondai-aq veterinariia salasyn damytýdyń da keshendi josparyn ázirleý qajet, – dedi Danial Ahmetov.
Memleket tilge erekshe kóńil bólinedi Prezident Joldaýynda qazaq tilin nasihattap, eldiń mádeni-tarihi murasyn zerdelep jáne tiimdi paidalaný qajettigin aitqan. Osy oraida Shyǵys Qazaqstanda ózge ulttarǵa qazaq tilin úiretýge erekshe kóńil bólinedi.
– Bul maqsatta Qazaqstan halqy Assambleiasynyń Dostyq úileri, «Vozrojdenie» til mektebi, lingvistikalyq kabinetter jan-jaqty jumys júrgizýde. Oblysta «Sitýatsiialyq qazaq tili» jobasy iske asyrylýda. Bul aýyzeki tildi úirenýdiń eń qarapaiym jáne tiimdi tásili bolyp otyr. Arheologiialyq zertteýler baǵdarlamasyn júzege asyrýdy jalǵastyramyz. Osynyń arqasynda belgili arheologtar Zeinolla Samashev pen Ábdesh Tóleýbaev sensatsiialyq ashýlar jasaýda. Biregei artefaktilerimiz ben arheologiialyq oljalarymyzdy halyqaralyq deńgeige shyǵarýǵa daiynbyz. Osy jyldyń 28 qyrkúieginen bastap 2022 jyldyń 30 qańtaryna deiin «Uly dala altyny» kórmesi Ulybritaniiadaǵy Kembridj ýniversitetine qoiylatyn bolady. Bul Qazaqstannyń tarihi murasyn ilgeriletýdegi mańyzdy qadam, – dedi ShQO ákimi.
Sonymen qatar 3 tomdyq «Shyǵys Qazaqstannyń ejelgi dáýiri» jáne «Qazaqstan tarihy» monografiialaryn basyp shyǵarýǵa daiyndyq jumystary júrgizilýde. Joldaýda aitylǵan bastamalardyń biri – 2022-2025 jyldar aralyǵynda biýdjet salasynyń keibir qyzmetkerleriniń jalaqysyn jyl saiyn 20 paiyzǵa arttyrý.
– Bul sheshim 42 myńǵa jýyq jerlesimizge qatysty bolmaq. Sondai-aq Memleket basshysynyń zeinetaqy qoryndaǵy jetkiliktilik sheginen asatyn jinaqty «Otbasy bankine» aýdarýǵa ruqsat berý kerek dep sanaityny erekshe mańyzǵa ie. Prezidenttiń alǵa qoiǵan jańa maqsattary bizge strategiialyq mindetterge sáikes, shekara mańyndaǵy aýmaqtar men burynǵy aýdan ortalyqtaryn damytýdy eskere otyryp, oblystyń damý josparyn aiqyndaýǵa múmkindik beredi, – dedi Danial Ahmetov. Onyń aitýynsha, biznesti keńinen qoldaý boiynsha jumys júieli túrde jalǵasatyn bolady.
Sońǵy 2 jylda óńirde 3 myńǵa jýyq jobany iske asyrýǵa memleket tarapynan 5,4 mlrd teńge bólingen.
– Bilikti mamandar daiyndalmaq «Qasym-Jomart Kemeluly IT-sektordy jas ári yntaly kadrlarmen kúsheitýdi, keminde 100 myń joǵary bilikti maman daiyndaýdy tapsyrdy. Osy maqsatta oblysta IT-mamandyqtar boiynsha granttar sanyn jyl saiyn 10 paiyzǵa arttyrý qajet. Sondai-aq bilim berý uiymdarynyń bazasynda halyqaralyq standarttar boiynsha baǵdarlamalaý kabinetterin ashý kerek», - dedi óńir basshysy.
Óz sózinde ol Shyǵys Qazaqstanda atalmysh salany damytý úshin birqatar shara atqarylyp jatqandyǵyn aitty. «Máselen, búginde oblysta vedomstvoaralyq biryńǵai ahýaldyq ortalyq jumys isteýde. Sonyń nátijesinde, jyl basynan beri 6 myńnan astam ákimshilik quqyq buzýshylyq pen qylmys ashylyp, 1,3 mlrd teńge aiyppul óndirilgen» dedi Danial Ahmetov. Osylaisha, oblysta Prezident tapsyrmalaryn iske asyrýdyń joldary aiqyndala bastady. Endi baǵyttyń durystyǵyn, jumystyń nátijeligin ýaqyt kórsetedi.
