قالاداعى كاسىپكەرلىكتى دامىتۋعا باعىتتالعان شارانى 30 قازان كۇنى وتكىزۋ جوسپارلانعان. فورۋمعا رەسپۋبليكا كولەمىندەگى كاسىپكەرلەر شاقىرىلدى.
جيىن ءۇش سەكسيا بويىنشا جۇرەدى:
1. «اۋىلشارۋاشىلىق جانە كوممەرسيالىق باعىتتاعى جەر تەلىمدەرى»
2. «مەملەكەتتىك-جەكەمەنشىك سەرىكتەستىك جوبالارى مەن سەنىمدى باسقارۋ»
3. «قالاداعى يندۋستريالدىق ايماقتاردى دامىتۋ»
وسكەمەن قالالىق ەكونوميكا جانە بيۋدجەتتىك جوسپارلاۋ ءبولىمىنىڭ مالىمەتىنشە، قازىرگى ۋاقىتتا فورۋمعا قاتىسۋعا 30 ءوتىنىش كەلىپ تۇسكەن.
– ەل كولەمىندە جالپى سانى 200 شاقىرۋ تاراتتىق. ازىرشە 30 كاسىپكەردەن ناقتى ءوتىنىشى ءتۇستى. ولاردىڭ دەنى وبلىستاعى بيزنەس وكىلدەرى، – دەيدى قالالىق ەكونوميكا جانە بيۋدجەتتىك جوسپارلاۋ ءبولىمىنىڭ باسشىسى ارمان مۇقتارقان ۇلى.
شارانى ۇيىمداستىرۋشى تاراپتىڭ ايتۋىنشا، كاسىپكەرلەردەن ءوتىنىش قابىلداۋ جالعاسا بەرەدى.
– نەگىزىنەن وسى ۋاقىتقا دەيىن فورۋم تۋرالى حاباردى ايماقتىڭ تۇكپىر-تۇكپىرىنە تاراتۋعا كۇش سالدىق. الداعى اپتا ىشىندە رەسپۋبليكاعا جارنامالاۋدى قولعا الامىز. وتىنىشتەر سانى كوبەيەتىنىنە سەنىمدىمىن، – دەيدى قالا اكىمدىگىنىڭ باسپا ءسوز حاتشىسى الىبەك تۇرسىنبەت.
