"Bizneske 50 naqty usynys". Shyǵysta investitsiialyq forým ótedi
Qaladaǵy kásipkerlikti damytýǵa baǵyttalǵan sharany 30 qazan kúni ótkizý josparlanǵan. Forýmǵa respýblika kólemindegi kásipkerler shaqyryldy.
Jiyn úsh sektsiia boiynsha júredi:
1. «Aýylsharýashylyq jáne kommertsiialyq baǵyttaǵy jer telimderi»
2. «Memlekettik-jekemenshik seriktestik jobalary men senimdi basqarý»
3. «Qaladaǵy indýstrialdyq aimaqtardy damytý»
Óskemen qalalyq ekonomika jáne biýdjettik josparlaý bóliminiń málimetinshe, qazirgi ýaqytta forýmǵa qatysýǵa 30 ótinish kelip túsken.
– El kóleminde jalpy sany 200 shaqyrý tarattyq. Ázirshe 30 kásipkerden naqty ótinishi tústi. Olardyń deni oblystaǵy biznes ókilderi, – deidi qalalyq ekonomika jáne biýdjettik josparlaý bóliminiń basshysy Arman Muqtarqanuly.
Sharany uiymdastyrýshy taraptyń aitýynsha, kásipkerlerden ótinish qabyldaý jalǵasa beredi.
– Negizinen osy ýaqytqa deiin forým týraly habardy aimaqtyń túkpir-túkpirine taratýǵa kúsh saldyq. Aldaǵy apta ishinde respýblikaǵa jarnamalaýdy qolǵa alamyz. Ótinishter sany kóbeietinine senimdimin, – deidi qala ákimdiginiń baspasóz hatshysy Álibek Tursynbet.
