ەكس-مينيستر قۋاندىق بيشىمبايەۆتىڭ اناسى ءوزىنىڭ تۋىسىنا قارسى سوتقا جۇگىنىپ، ونى 1 ميلليون دوللاردى يەمدەندى دەپ ايىپتادى، دەپ حابارلايدى Dalanews.kz.

ءىس اسا ءىرى كولەمدەگى الاياقتىق بابى بويىنشا قارالىپ جاتىر. ايىپ تاعىلعان ايەل ءوز كىناسىن مويىندامايدى. ونىڭ ادۆوكاتىنىڭ ايتۋىنشا، بۇل – وتباسىلىق جانجال، ال تالاپ ارىز نۇكەنوۆا ءىسى بويىنشا بيشىمبايەۆتار وتباسىنا “كومەكتەسۋدەن” باس تارتقاننان كەيىن پايدا بولعان.

بيشىمبايەۆتىڭ اناسىن قورعاۋشى ەرلان عازىمجانوۆ SHYNDYK.KZ-كە سوت پروسەسىنىڭ ءمان-جايىن ايتىپ بەرگەن.

«تەرگەۋ نۇسقاسى بويىنشا، 2023 جىلدىڭ جەلتوقسانىندا كەمەلوۆا قۋاندىق بيشىمبايەۆتىڭ ىسىنە بايلانىستى نۇرلىبەكوۆانىڭ اۋىر ەموسيونالدىق كۇيىن پايدالانىپ، وعان سىبايلاس جەمقورلىققا قارسى قىزمەتتىڭ بولاشاقتا ءتىنتۋ جۇرگىزەتىنى تۋرالى ويدان شىعارىلعان اڭگىمەنى ايتىپ، ءىرى كولەمدەگى اقشانى وزىنە بەرۋگە سەندىرگەن»، - دەدى عازىمجانوۆ.

ادۆوكاتتىڭ ايتۋىنشا، سوت وتىرىسى ايىپتالۋشىعا ايىپتاۋ اكتىسى ۋاقىتىندا تابىستالماعاندىقتان كەيىنگە قالدىرىلعان. كەلەسى تىڭداۋ 13 قاراشادا وتەدى. وندا جابىرلەنۋشىدەن جاۋاپ الۋ جوسپارلانىپ وتىر.

«مەنىڭ ويىمشا، كەمەلوۆا دا گراچيەۆا سياقتى ‘جەڭىل جولمەن پايدا تابۋعا’ تىرىستى. ءبىراق ونى دا سول تاعدىر كۇتىپ تۇر دەپ ەسەپتەيمىن. ەسكە سالا كەتەيىن، گراچيەۆا بۇعان دەيىن بيشىمبايەۆتار وتباسىنان 100 ميلليون تەڭگە ۇرلاماق بولعانى ءۇشىن 10 جىلعا باس بوستاندىعىنان ايىرىلعان»، - دەپ اتاپ ءوتتى قورعاۋشى.

ايتا كەتەيىك، ايىپتالۋشىنىڭ مۇددەسىن نۇكەنوۆا ءىسى بويىنشا بيشىمبايەۆقا قارسى سوت پروسەسىندە نۇكەنوۆتەر وتباسىن قورعاعان سول ادۆوكات قورعاپ جاتىر.