وسى شارالاردىڭ اياسىندا 332 ملن تەڭگەنىڭ 2208 توننا ءونىمى نارىقتاعى باعادان 15-20 پايىزعا دەيىن تومەن ساتىلدى. سونداي-اق بيىل استانانىڭ 20 جىلدىعىنا وراي تۇركىستان وبلىسى تاۋار وندىرۋشىلەرىنىڭ 4 رەت جارمەڭكەسى ۇيىمداستىرىلدى. وعان 90-عا جۋىق تاۋار وندىرۋشىلەر قاتىسىپ، قۇنى 826 ملن تەڭگە بولاتىن 1753 توننا ءونىم ساۋدالانعان.
وبلىستىق اۋىل شارۋاشىلىعى باسقارماسى باسشىسىنىڭ ورىنباسارى نۇرجىگىت مىرزاحمەتوۆتىڭ ايتۋىنشا تۇركىستان وبلىسى بيىل 2،7 ملن جەمىس-جيدەك جيناپ، رەكتوردتىق كورسەتكىشكە قول جەتكىزدى.
ونىڭ 500 مىڭ تونناسىن رەسەي، بەلارۋس، ليتۆا، گەرمانيا مەملەكەتتەرىنە ەكسپورتتالسا، 1 ملن تونناسى ەلىمىزدىڭ سولتۇستىك وڭىرلەرىنە جونەلتىلدى. ەت ەكسپورتى 4،6 تونناعا جەتىپ، رەسپۋبليكاداعى ۇلەس 52 پايىزدى قۇراعان.
بۇدان بولەك تۇركىستان وبلىسىندا بيىل تۇراقتاندىرۋ قورىنا 1 ملرد تەڭگەدەن استام قارجى ءبولىندى. وعان بارلىعى 19 ءتۇرلى ازىق-تۇلىك ونىمدەرى ساتىپ الىنعان. ماسەلەن، 4،5 مىڭ توننا كارتوپ، 1200 توننا پياز، 1 مىڭ توننا ءسابىز قورى بار. مامانداردىڭ ايتۋىنشا، ءوڭىر حالقىنا قاجەتتى ازىق-تۇلىكتىڭ بارلىعى جەتكىلىكتى. سوندىقتان بيىل وبلىستا ازىق-تۇلىك باعاسى قىمباتتامايدى.
ال الەۋمەتتىك كاسىپكەرلىك كورپوراسيا ءتوراعاسىنىڭ ورىنباسارى ماراتبەك مىرزامۇراتوۆ ايتۋىنشا قازىرگى تاڭدا مىڭ توننا ۇن، مىڭ توننا شەكەر، 70 توننا كۇرىش، 50 توننا كۇنباعىس مايى ساتىپ الىنباق.
"ودان بولەك 190 توننا ەت ءونىمى بار، تاۋىق ەتى بار، وسىلاردى ساتىپ الۋدى جوسپارلاپ وتىرمىز. وسىنداي كولەممەن ءبىز شىمكەنت قالاسىن قامتاماسىز ەتىپ كەلدىك، تۇركىستان قالاسى حالقىنىڭ سانى الدە قايدا از، سوندىقتان ءبىز العان تاۋارلار جەتكىلىكتى دەپ سەنەمىز»، – دەيدى ول.
ءدال قازىرگى ۋاقىتتا وڭىردەگى قويمالارعا مىڭداعان توننا ازىق-تۇلىك تۇرلەرى جەتكىزىلگەن. وسى اپتادان باستاپ، تۇركىستان قالاسىندا 4 جەردە تۇراقتاندىرۋ قورىنىڭ تاۋارلارى ارزاندىتىلعان باعامەن ساتىلىپ جاتىر
