Osy sharalardyń aiasynda 332 mln teńgeniń 2208 tonna ónimi naryqtaǵy baǵadan 15-20 paiyzǵa deiin tómen satyldy. Sondai-aq biyl Astananyń 20 jyldyǵyna orai Túrkistan oblysy taýar óndirýshileriniń 4 ret jármeńkesi uiymdastyryldy. Oǵan 90-ǵa jýyq taýar óndirýshiler qatysyp, quny 826 mln teńge bolatyn 1753 tonna ónim saýdalanǵan.
Oblystyq aýyl sharýashylyǵy basqarmasy basshysynyń orynbasary Nurjigit Myrzahmetovtyń aitýynsha Túrkistan oblysy biyl 2,7 mln jemis-jidek jinap, rektordtyq kórsetkishke qol jetkizdi.
Onyń 500 myń tonnasyn Resei, Belarýs, Litva, Germaniia memleketterine eksporttalsa, 1 mln tonnasy elimizdiń soltústik óńirlerine jóneltildi. Et eksporty 4,6 tonnaǵa jetip, respýblikadaǵy úles 52 paiyzdy quraǵan.
Budan bólek Túrkistan oblysynda biyl turaqtandyrý qoryna 1 mlrd teńgeden astam qarjy bólindi. Oǵan barlyǵy 19 túrli azyq-túlik ónimderi satyp alynǵan. Máselen, 4,5 myń tonna kartop, 1200 tonna piiaz, 1 myń tonna sábiz qory bar. Mamandardyń aitýynsha, óńir halqyna qajetti azyq-túliktiń barlyǵy jetkilikti. Sondyqtan biyl oblysta azyq-túlik baǵasy qymbattamaidy.
Al Áleýmettik kásipkerlik korporatsiia tóraǵasynyń orynbasary Maratbek Myrzamuratov aitýynsha qazirgi tańda myń tonna un, myń tonna sheker, 70 tonna kúrish, 50 tonna kúnbaǵys maiy satyp alynbaq.
"Odan bólek 190 tonna et ónimi bar, taýyq eti bar, osylardy satyp alýdy josparlap otyrmyz. Osyndai kólemmen biz shymkent qalasyn qamtamasyz etip keldik, Túrkistan qalasy halqynyń sany álde qaida az, sondyqtan biz alǵan taýarlar jetkilikti dep senemiz», – deidi ol.
Dál qazirgi ýaqytta óńirdegi qoimalarǵa myńdaǵan tonna azyq-túlik túrleri jetkizilgen. Osy aptadan bastap, Túrkistan qalasynda 4 jerde turaqtandyrý qorynyń taýarlary arzandytylǵan baǵamen satylyp jatyr
