بۇگىن، 2025 جىلى 24 قاڭتاردا "تەڭىزشيەۆرويل" ج ش س (تشو) تەڭىز كەن ورنىنداعى جاڭا ءۇشىنشى بۋىن زاۋىتىندا (ءۇبز) شيكى مۇنايدى ءقاۋىپسىز ءوندىرۋدى باستاپ، ءوزىنىڭ كەلەشەك كەڭەيۋ جوباسىن ىسكە قوستى. وسىلايشا بۇعان دەيىن مۇنايدى شەكتەپ ءوندىرىپ كەلگەن (وپەك+ كەلىسىمدەرى شەڭبەرىندە) قازاقستان تىزگىندى بوس جىبەردى، دەپ جازادى Dalanews.kz.

تشو ج ش س باسپا ءسوز قىزمەتىنىڭ مالىمەتىنشە،تەڭىزدەگى شيكى مۇناي ءوندىرۋدىڭ جالپى كولەمى جىلىنا تاعى دا 12 ميلليون تونناعا ۇلعايادى دەپ كۇتىلەدى، ال بارلىق ءوندiرiستiك نىساندار تولىق iسكە قوسىلعاننان كەيiن، مۇناي ءوندىرۋدىڭ جالپى جىلدىق كولەمى شامامەن 40 ميلليون توننانى قۇراپ قالادى. مۇناي سالاسى بويىنشا ساراپشى-مامان ولجاس ءبايدىلدينوۆ بۇعان دونالد ترامپتىڭ ارابتاردان مۇناي ءوندىرىسىن ۇلعايتۋدى سۇراعان داۆوستاعى مالىمدەمەسى تۇركى دەگەن بولجامدى ايتادى.

"پرەزيدەنت تاپسىرماسى دەگەن وسىلاي ورىندالۋ كەرەك! تەڭىزشيەۆرويل "كەلەشەك كەڭەيۋ جوباسى" شەڭبەرىندە 48،5 ملرد دوللاردىڭ مۇنايىن وندىرۋگە جەڭ تۇرە كىرىسىپ كەتتى. ءيا، ترامپتىڭ ءوزى ايتتى ەمەس پە: "بۇرعىلا، جانىم، بۇرعىلا" دەپ. ايتقانى سول ەكەن، تشو جوباسىندا 75% ۇلەسكە يە امەريكالىق Chevron جانە ExxonMobil كومپانيالارى كەلەسى كۇنى مۇناي ءوندىرىسى كولەمىن ارتتىرۋعا كىرىستى. پرەزيدەنت ايتتى، كومپانيالار/سۋبەكتىلەر ورىندادى. جينالىس دەگەن دە جوق، بۇيرىق-جارلىق دەگەن دە جوق، جول كارتاسى دەگەن دە جوق. انە قالاي، امەريكالىقتاردان ۇيرەنۋ كەرەك! وپەك + بۇل ءۇشىن قازاقستاننىڭ باسىن سيپاي قويماسى انىق، ءبىراق كىم وعان باس قاتىرادى دەيسىڭ؟ ولاردىڭ ءوز پرەزيدەنتى بار. قازاقستان ءۇشىن بۇل، ارينە، جاقسى. بىزگە سالىقتان كوبىرەك تابىس تۇسەدى. تەك مۇناي باعاسىنا بىردەمە بولىپ قالماسا، ەندى..."، دەپ جازادى ەكونوميكالىق ساراپشى ولجاس ءبايدىلدينوۆ.

بۇعان دەيىن سايتىمىزدا "ساراپشى-مامان: مۇناي ارزانداسا رۋبل ديەۆالۆاسياعا ۇشىرايدى،تەڭگەگە دە وڭاي بولمايدى" دەگەن ماقالا جاريالانعان بولاتىن.