Búgin, 2025 jyly 24 qańtarda "Teńizshevroil" JShS (TShO) Teńiz ken ornyndaǵy jańa Úshinshi býyn zaýytynda (ÚBZ) shiki munaidy qaýipsiz óndirýdi bastap, óziniń Keleshek keńeiý jobasyn iske qosty. Osylaisha buǵan deiin munaidy shektep óndirip kelgen (OPEK+ kelisimderi sheńberinde) Qazaqstan tizgindi bos jiberdi, dep jazady Dalanews.kz.
TShO JShS baspasóz qyzmetiniń málimetinshe,Teńizdegi shiki munai óndirýdiń jalpy kólemi jylyna taǵy da 12 million tonnaǵa ulǵaiady dep kútiledi, al barlyq óndiristik nysandar tolyq iske qosylǵannan keiin, munai óndirýdiń jalpy jyldyq kólemi shamamen 40 million tonnany qurap qalady. Munai salasy boiynsha sarapshy-maman Oljas Baidildinov buǵan Donald Tramptyń arabtardan munai óndirisin ulǵaitýdy suraǵan Davostaǵy málimdemesi túrki degen boljamdy aitady.
"Prezident tapsyrmasy degen osylai oryndalý kerek! Teńizshevroil "Keleshek keńeiý jobasy" sheńberinde 48,5 mlrd dollardyń munaiyn óndirýge jeń túre kirisip ketti. Iá, Tramptyń ózi aitty emes pe: "Burǵyla, janym, burǵyla" dep. Aitqany sol eken, TShO jobasynda 75% úleske ie amerikalyq Chevron jáne ExxonMobil kompaniialary kelesi kúni munai óndirisi kólemin arttyrýǵa kiristi. Prezident aitty, kompaniialar/sýbektiler oryndady. Jinalys degen de joq, buiryq-jarlyq degen de joq, Jol kartasy degen de joq. Áne qalai, amerikalyqtardan úirený kerek! OPEK + bul úshin Qazaqstannyń basyn sipai qoimasy anyq, biraq kim oǵan bas qatyrady deisiń? Olardyń óz prezidenti bar. Qazaqstan úshin bul, árine, jaqsy. Bizge salyqtan kóbirek tabys túsedi. Tek munai baǵasyna birdeme bolyp qalmasa, endi...", dep jazady ekonomikalyq sarapshy Oljas Baidildinov.
Buǵan deiin saitymyzda "Sarapshy-maman: Munai arzandasa rýbl devalvatsiiaǵa ushyraidy,teńgege de ońai bolmaidy" degen maqala jariialanǵan bolatyn.
