بۇل تۋرالى ەۋرازييا بٸرٸنشٸ ارناسى حابارلايدى.
بەلگٸلٸ ادۆوكات جانگەلدٸ سٷلەيمەنوۆ الماتىداعى دەزينفەكتسيياعا جاۋاپتى تۇرعىن ٷي ساياساتى باسقارماسىنا جۇمىستاردى توقتاتۋدى تالاپ ەتتٸ. ونىڭ ايتۋىنشا, تۇرعىن ٷيلەردٸ زالالسىزداندىراتىن "گليۋزامين" سۇيىقتىعى مەن تەز ەريتٸن "اكما-حلور" دەرٸسٸ ادامدارعا اسا قاۋٸپتٸ. كٷنٸنە سەگٸز مىڭ پودەزد جەنە مىڭ ٷش جٷز اۋلاعا سەبٸلەتٸن پرەپاراتتاردى قولدانۋ بارىپ تۇرعان قاستاندىق, دەيدٸ قۇقىق قورعاۋشى.
جانگەلدٸ سٷلەيمەنوۆ, ادۆوكات:
"سۇيىقتىقتى جاساۋ ەرەجەسٸندە مۇقييات بولۋ كەرەك ەكەنٸ بەلگٸلٸ. قولعاپ, بەتپەردە كييۋدٸ دە مٸندەتتەيدٸ. دەمەك, بۇل ادام ٷشٸن قاۋٸپتٸ. ال بٸزدە بۇل زاتتارمەن پودەزد, اۋلا مەن بالالار وينايتىن جەرلەردە دەزينفەكتسييا جاساپ جٷر. ەسٸرەسە, اللەرگيياسى بار, تىنىس الۋى قيىن ادامدارعا قاستاندىق جاسالدى دەپ ويلايمىن".
ينفەكتسييا وشاقتارىندا قولدانىلاتىن سۇيىقتىق پەن تابلەتكانى قاۋٸپتٸ ەكەنٸنە دابىل قاققان ادۆوكاتتان بٶلەك, وقىرماندارى دا سەنەدٸ.
پاندەمييا باستالعان تۇستا, ياعني ناۋرىز ايىندا الماتىدا كٶگەرشٸندەر ٶلەكسەلەرٸ تابىلعان ەدٸ. جەرگٸلٸكتٸ جۇرت قانناتتىلاردىڭ قىرىلۋى دەزينفەكتسييادان دەسە, بيلٸكتەگٸلەر "مۇزدى ەرٸتكەندە حيمييالىق قوسپانى قوستىق, سونان سۋ بولىپ ەرٸگەن مۇزدى ٸشكەن قۇستار ۋلانىپ قالدى" دەپ اقتالعان بولاتىن. ەپەديميولوگييالىق حال-احۋالعا جاۋاپتىلار دا ٸندەت كەلگەلٸ قولداناتىن سۇيىقتىقتار قاۋٸپسٸز ەكەنٸن ايتادى.
الماش احمەتوۆا, قالالىق تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ بٶلٸم جەتەكشٸسٸ:
"بۇل ەكٸ "گليۋزامين", "اكما-حلور" دا قازاقستاندا ٶندٸرٸلگەن. سانيتارلىق گيگيەنالىق تالاپتارعا سەيكەس كەلەدٸ. مەملەكەتتٸك رەەستردە تٸركەلگەن جەنە ٶندٸرۋگە, ساتۋعا رۇقسات ەتٸلگەن پرەپاراتتار. بۇلار ادامدارعا زييانى جوق. قاۋٸپسٸز. سونىمەن قاتار, جانۋارلارعا, قۇستارعا زييان تيمەيدٸ".
اشىق اقپارات كٶزدەرٸندە ەكٸ پرەپاراتتىڭ دا قازاقستاندا جاسالاتىنى كٶرسەتٸلگەن. "گليۋزومين" سۇيىقتىعى تۋرالى اقپارات از بولسا, "اكما-حلور" دەرٸسٸنٸڭ قۇرامىندا 80 پايىز حلور مەن قىشقىلدى ناتريي تۇزى بار ەكەنٸ كٶرسەتٸلگەن. ال, اللەرگولوگ-يممۋنولوگ ارمان بايدٸلوۆ ماماندار قانشا جەردەن بۇل حيمييالىق زاتتار قاۋٸپسٸز دەسە دە, ساقتىق شارالارى ەسكەرٸلمەسە, بٸرٸنشٸ كەزەكتە ادامنىڭ تىنىس الۋ جولدارىنىڭ شىرىشتى قاباتى زارداپ شەگۋٸ مٷمكٸن, دەيدٸ.
ارمان بايدٸلوۆ, اللەرگولوگ-يممۋنولوگ:
"بٸزدٸڭ كٷندەلٸكتٸ تۇرمىسىزدا دا قولدانىپ جٷرگەن كەدٸمگٸ حلوركا, اعارتقىش, ول دا ٶتە زيياندى. تىنىس جولدارىمىزدىڭ حيمييالىق كٷيٸگٸن تۋعىزۋى مٷمكٸن. سوندىقتان قولدانۋ تەسٸلٸن ينسترۋكتسييا بويىنشا ورىنداۋ كەرەك".
الماتىداعى تۇرعىن ٷي ساياساتى باسقارماسىنىڭ سەۋٸردەگٸ مەلٸمەتٸنشە, دەزينفەكتسييالاۋ جۇمىستارىنا 293 ميلليون تەڭگە بٶلٸنٸپتٸ. ونداعى شەنەۋنٸكتەرگە بٸر پودەزدە ۆيرۋس كٶزٸن جويۋ ٷشٸن 600 تەڭگەدەن 9 مىڭ تەڭگەگە دەيٸن كەتەدٸ-مىس. وسى رەتتە ايتا كەتكەن جٶن, اۋلا مەن ٷي دەزينفەكتسيياسىنا تەك ەكٸمدٸكتەر جاۋاپ بەرسە, كٶشەلەردٸ قورعانىس مينيسترلٸگٸ زالاسىزداندىرادى. بٸز ولاردان دا اقپارات العىمىز كەلدٸ. الايدا, ۆەدومستۆوداعىلار بٸزگە جاۋاپ بەرمەدٸ.
