تٶرت جىلدان كەيٸن ساقشىلاردىڭ اشۋ-ىزاسىن تۋدىرعان ۆيدەو
يە, ەركٸم ەربٸر وقيعانى ٶزٸنشە تەپسٸرلەيدٸ. قۇقىق قورعاۋ ورگاندارى وسىدان تٶرت جىل بۇرىن كەنتالدىڭ پوليتسييا قىزمەتكەرٸنٸڭ فورماسىندا تٷسٸرٸلگەن ۆيدەوسى تۇتاس تەرتٸپ ساقشىلارىنىڭ ار-نامىسىنا تيگەنٸن ايتىپ, تەرگەۋدٸڭ استىنا الىپ, ايىپپۇل تٶلەتتٸ.
وسى جايتتان قۇقىق قورعاۋ ورگاندارى ٷشٸن كەز كەلگەن ٸس ۋاقىت اعىمىنا ٸلەسٸپ, ٸزٸم-عايىم جوعالىپ كەتپەيتٸنٸن بايقادىق.
يە, كەز كەلگەن ادام جاساعان قاتەلٸگٸ, قىلمىسى ٷشٸن زاڭ ورىندارىنا جاۋاپ بەرۋٸ تيٸس. ونىڭ ٷستٸنە, قازٸرگٸ تاڭدا حالىق اراسىندا قۇقىق قورعاۋ ورگاندارىنىڭ بەدەلٸ بەتەگەدەن بيٸك, جۋساننان الاسا بولىپ تۇرعان سەتتە كەنتالدىڭ تٶرت جىل بۇرىن تٷسٸرٸلگەن ۆيدەوسى ەلەۋمەتتٸك جەلٸگە جارق ەتٸپ شىعىپ, قۇقىق قورعاۋ ورگاندارى باسشىلارىنىڭ اشۋ-ىزاسىن تۋعىزعانىن تٷسٸنەمٸز.
وسى رەتتە قۇقىق قورعاۋ ورگاندارى تٶرت جىل بۇرىن قايدا قاراپ وتىردى دەگەن ساۋال تۋىندايدى. سوندا ولار ەلەۋمەتتٸك جەلٸ قاراماي ما? بۇعان تٸپتٸ سەنگٸڭ كەلمەيدٸ. وسىدان تٶرت جىل بۇرىن دا قازاقستان پوليتسيياسىنىڭ قالىڭ بۇقارا الدىنداعى بەدەلٸ كەرمەت بولىپ تۇرماعانى انىق. ەيتەۋٸر كەنتالدىڭ ۆيدەوسى قۇقىق قورعاۋ ورگاندارىنىڭ بٸر باسشىسىنىڭ كٶزٸنە تٷسٸپ (كەش تە بولسا) اشۋ-ىزاسىن تۋعىزعانى انىق.
تىرناق استىنان كٸر ٸزدەۋ مە, ەلدە...
ەكٸنشٸ وقيعا دا وسىدان تٶرت جىل بۇرىن ورىن العانىن جۇرتشىلىق جاقسى بٸلەدٸ. ەلەۋمەتتٸك مەدساقتاندىرۋ قورى ەكس-تٶراعاسى ايباتىر جۇماعۇلوۆتىڭ زايىبى تٶرت جىل بۇرىن ٶزٸنٸڭ ەلەۋمەتتٸك جەلٸدەگٸ پاراقشاسىندا بيزنەس سالاسىندا تابىستى جۇمىس ٸستەگەن كٷيەۋٸ 30 جاسقا دەيٸن 10 رەت كٶلٸگٸن جاڭارتىپ بەرەم دەگەن ۋەدەسٸندە تۇرعانىن كٶپشٸلٸكپەن بٶلٸسٸپ, جازىق جەردە سٷرٸندٸ. ارادا تٶرت جىل ٶتكەندە ەلگٸ ۆيدەو جۋرناليست گٷلبانۋ ەبەنوۆانىڭ نازارىنا ٸلٸگٸپ, ٷلكەن داۋعا تامىزىق بولدى.
قازٸرگٸدەي كارانتين كەزٸندە ٶزٸ كٷنٸن ەرەڭ كٶرٸپ جٷرگەن حالىق مۇنى وقىعاننان كەيٸن قانداي كٷيدە بولعانىن ەلەۋمەتتٸك جەلٸدەگٸ كوممەنتارييلەردەن انىق اڭعارۋعا بولادى.
بٸلدەي ەل بەتٸنە قاراپ وتىرعان مەملەكەتتٸك ەلەۋمەتتٸك مەديتسينالىق ساقتاندىرۋ قورى تٶراعاسىنىڭ كەلٸنشەگٸ مىڭداعان وقىرمانى بار پاراقشاسىنا مۇنداي دٷنيەنٸ قالاي عانا بٶلٸستٸ ەكەن. ەرينە, قۋانىشى قوينىنا سىيماي جازعانى انىق.
داۋ ۋشىققان كەزدە ايباتىر جۇماعۇلوۆتىڭ ٶزٸ تٷسٸنٸكتەمە بەرٸپ, زايىبىنا كٶلٸكتٸ بيزنەستە جٷرگەن كەزٸندە الىپ بەرگەنٸن, ٶزٸ سەكٸلدٸ تابىسكەر ازامات ٷشٸن قالىپتى دٷنيە ەكەنٸن ايتتى. تٶرت جىل بۇرىنعى جازبانى جەردەن جەتٸ قويان تاپقانداي جاڭالىق ەتٸپ جازعان گٷلبانۋ ەبەنوۆانىڭ ٸس-ەرەكەتٸن تىرناق استىنان كٸر ٸزدەۋ دەپ باعالاعانىن وقىدىق.
ايباتىر مىرزانىڭ تٷسٸنٸگٸنە سالساق, تٶرت جىل بۇرىنعى كەلٸنشەگٸنٸڭ جازباسىن سٶز قىلۋعا بولمايتىنىن اڭعارۋعا بولادى. بٸراق حالىقتىڭ ەلەۋمەتتٸك جەلٸدەگٸ جازبالارى مەن كوممەنتارييلەرٸن وقىساڭىز, ولاردىڭ باسقاشا ويلايتىنىن بايقايسىز.
ەدٸلٸن كٸم ايتادى?
كەز كەلگەن جاۋاپتى قىزمەتتە وتىرعان شەنەۋنٸكتٸڭ جەكە باسىنداعى جاعدايى مەن ونىڭ قالتاسىنداعى اقشاسىنا قاتىستى حالىقتىڭ ەڭگٸمە قىلۋعا قاقىسى بار. ٶيتكەنٸ كەز كەلگەن شەنەۋنٸكتٸڭ ٸس-ەرەكەتٸ حالىقتىڭ ٶمٸرٸنە ەسەر ەتەدٸ. حالىق وعان قىرۋار قارجىسىن اماناتتاپ تاپسىردى. بۇل ايەكەڭ ايتقانداي, تىرناق استىنان كٸر ٸزدەۋ ەمەس.
قازاقستاندا عانا ەمەس, دامىعان باتىس ەلدەرٸندە دە شەندٸلەر مەن بيزنەسمەندەر ەربٸر باسى ارتىق تيىنى ٷشٸن جاۋاپ بەرەدٸ. مۇنى بٸزدٸڭ شەندٸلەر جاقسى بٸلۋٸ كەرەك.
وسى ەكٸ وقيعادان ەلٸمٸز ٷلكەن داعدارىستا ەكەنٸن بايقاۋعا بولادى. تٶرت جىل بۇرىنعى ۆيدەو ٷشٸن ەنشٸ تەرگەپ, تەكسەرٸلٸپ, سوڭىندا ايىپ تٶلەدٸ. ال ەل ٷمٸت ارتقان قوردىڭ بۇرىنعى تٶراعاسى كەلٸنشەگٸنٸڭ تٶرت جىل بۇرىنعى جازباسىنا سٷيەنٸپ, مەسەلە كٶتەرۋدٸ تىرناق استىنان كٸر ٸزدەۋ دەپ باعالادى.
سوندا ەدٸلدٸك قايدا? ەدٸلدٸك سالتانات قۇرماعان سوڭ, بٸز وسىنداي داعدارىستى جاعدايعا تاپ بولعانىمىز انىق. سٸزدەر قالاي ويلايسىزدار?
جاربول كەنتۇلى
