– قازٸر ەلەم جاھاندانۋ ٷردٸسٸمەن جٷرٸپ كەلەدٸ. سونىڭ ەسەرٸنەن ۇلتتىق نەگٸزدەرٸمٸز توقىراۋعا ۇشىراۋى مٷمكٸن. بٸز حالىق رەتٸندە وسى بٸر ٶتكەلدەن امان ٶتۋ ٷشٸن نە ٸستەۋٸمٸز كەرەك? بۇل جاعدايدا ٶنەردٸڭ ماڭىزى قانداي?
– وسى سۇراعىڭا بايلانىستى ٶتكەندە ەلەۋمەتتٸك جەلٸلەردە جازعان بولاتىنمىن. قازٸرگٸ قالىپتاسقان قوعامدىق جٷيە تاريحي تاعدىرلاردى شەشۋدە دەرمەنسٸز بولىپ تۇر. ەندٸ مىناۋ جاھاندانۋ دەگەن جۇلىمىر زامان كەلدٸ. مٸنە, وسى جاھاندىق جاساندى تۇرپايى مەدەنيەتتەن تۋىندايتىن تەرٸس تەربيە, جات ٶنەگە, جابايى ٷلگٸ, جاعىمسىز ٷگٸت, كەرٸ ناسيحات سانامىزدى ۋلاپ جاتىر. قازٸر بٷكٸل ەلەمنٸڭ قالتالىلارى بولسىن, ميسسيونەرلەرٸ بولسىن بٸزگە كەلٸپ, بٸزدٸڭ ۇلتتىق رۋحاني قۇندىلىعىمىزدىڭ, قازاقي قاسيەتتەرٸمٸزدٸڭ كٷل-تالقانىن شىعارىپ جاتىر. ونى مويىنداۋ كەرەك. ال ەندٸ وسى ەلٸمٸزگە كٸمدەر كەلٸپ, كٸمدەر كەتٸپ جاتىر, ولار قانداي ماقساتتى كٶزدەيدٸ, نە پايداسى, نە زييانى بار, مۇنى باقىلاپ وتىرعان ەشكٸم جوق. ەڭ سۇمدىعى ادامداردىڭ جانىنىڭ, تەنٸنٸڭ, بالالارىنىڭ, ارىنىڭ, نامىسىنىڭ, جەرٸنٸڭ, بايلىعىنىڭ بەرٸنٸڭ ساتىلۋى. بۇل ەلدٸگٸمٸزدٸ, قازاقى قادٸر-قاسيەتٸمٸزدٸ تٷگەل ساتۋ دەگەن سٶز. كٸندٸگٸ اشىلعان زاماندا ساتىلماعان نە قالدى?! ەلٸن, جەرٸن ساتقان, سايتانىن سەمٸرتٸپ باققان, جۇمىرتقاداي شٸرٸپ, تابىتتاي تاعدىردى اۋىرلاتىپ جاتقان قازٸرگٸ ٶزٸمٸزدٸڭ قازاقتاردى كٶرگەن كەزدە «ەي, قازاق بولىڭدارشى» دەگٸم كەپ تۇرادى. مىسالى, بٸز قازٸرگٸ قازاق پەن كەشەگٸ قازاقتى سالىستىرۋعا مٷلدە كەلمەيدٸ. قازٸر ۇساقتالىپ كەتكەن تۇقىمىمىزدى كٶرەمٸز. كەشەگٸ بٸزدٸڭ جەڭگەنٸن ماقتامايتىن, جەڭٸلگەنٸن داتتامايتىن قازاق تەك ار الدىندا عانا يٸلگەن, دار الدىندا ەمەس. بٷگٸنگٸ قازاقتى ولاي دەۋگە بولمايدى. بٸز وسى ەلدٸگٸمٸزگە قالاي يە بولامىز?
بٸزدٸڭ مەكتەپتٸڭ ەۋەزوۆ پەن مٷسٸرەپوۆ نەگٸزٸن سالىپ كەتكەن سارا جولى بار. بٸزدٸڭ باتىس پەن ورىستارعا نەگٸزدەلٸپ, سولارداعى ەلەمەنت پەن جاڭاشىلدىقتى العىمىز كەپ تۇرادى. بٸز, كەرٸسٸنشە, ولاردان قاشۋىمىز كەرەك. بٸزدەر ولاردان نە الدىق دەپ ەمەس, ولارعا نە ۇسىنامىز دەپ ويلاۋىمىز كەرەك. ال ولاردىڭ الارى, بٸزدٸڭ بەرەرٸمٸز قايسى? ولارعا نەنٸ كەسە كٶلدەنەڭ تارتامىز? ول ەۋەزوۆ پەن مٷسٸرەپوۆ نەگٸزٸن قالاعان مەكتەپ بولۋى تيٸس.
– قازٸرگٸ كەزدە ٶنەر جۇلدىزدارىنىڭ كٶبٸ «شوۋ» جاساۋمەن ەلەك. سونىڭ نەتيجەسٸندە تازا ٶنەر مەن حالتۋرانى الماستىرىپ العان سيياقتىمىز. مۇنداي پروتسەسكە قارسى تۇرار قاۋقار بار ما?
– قازٸرگٸ كٶپ جەردە ايتىلىپ جٷرگەندەردٸڭ دەنٸ ايعاي-شۋدان قۇرالعان جالعان پاتريوتيزم. بۇل بٸزدٸڭ بولاشاعىمىزعا بەدەل, كەلەشەگٸمٸزگە كەمەل بولا المايدى. بٸز كەيدە جاڭالىق ٸزدەيمٸز دەپ, جار جاعالاپ كەتەمٸز. ٶزگەنٸڭ قاڭسىعىن تاڭسىق كٶرۋگە بەيٸلمٸز. نە ٸزدەسەك تە, جاڭالىقتى دا, جاقسىلىقتى دا, تەربيەنٸ دە, تەجٸريبەنٸ دە ٶز تاريحىمىزدان, ٶز قۇندىلىعىمىزدان ٸزدەۋٸمٸز كەرەك. بٸز قازٸر ٶزٸمٸزدەن ٸزدەمەيمٸز. ٶزٸمٸزدٸكٸنە الاكٶزدەنە قاراپ, ەسكٸرگەن دٷنيەنٸڭ ساپىنا قوسا سالامىز. «جاڭانىڭ ٶزٸ – ۇمىتىلعان ەسكٸ» ەمەس پە ەدٸ?! قازٸر قۇلاقتان كٸرٸپ, بويدان تۇراق تاباتىن ەۋەزدٸ ەندەر جوقتىڭ قاسى دەسەك بولادى. دەستٷرلٸ ەندەرٸمٸزدٸ بٸز ەلٸ دە دەرٸپتەي الماي جٷرمٸز. بٸزدٸڭ نەبٸر بۇلبۇل كٶمەي, جەزتاڭداي ەنشٸلەرٸمٸز بار. ەندٸ ەننٸڭ ٶزٸ امانات قوي. سونىڭ امان-ساۋ قالپىندا جەتكٸزٸلۋٸ لەزٸم. سول اماناتقا وبال جاساماي, سالاۋاتقا ساۋاپ جاساماي, بٷتٸن قالپىندا جەتكٸزۋ – بٷگٸنگٸ ەنشٸلەردٸڭ مٸندەتٸ. قازٸرگٸ ەندەر «دٸگٸدٸك, دٸگٸدٸك شابامىن, بايدىڭ قىزىن الامىننىڭ» تٶڭٸرەگٸندە. حاس ٶنەردٸڭ قادٸرٸن شوۋعا تولى باعدارلامالار كەتٸرٸپ بٸتتٸ. ەستراداشىلاردىڭ ايعايىنا قۇلاق تۇنادى. ولار ەشكٸمدٸ ەلەمەيدٸ. دەستٷرلٸ ەنشٸلەر مەن ەستراداشىلار بٸرٸن بٸرٸ جامانداۋدان اسپاي جٷر. بٸزگە داۋ-داماي قۋىپ, ٶنبەس ٸستٸڭ سوڭىن قۋاتىن ۋاقىت جوق. باعلان ٶنەردٸڭ باسىن تٶرگە سٷيرەيتٸن شىن ٶنەرپازدار ٶزارا بٸرٸگٸپ, ۇلت بولمىسىنا زييان كەلتٸرەر ٸستەرمەن كٷرەسۋدٸ ٷيرەنگەنٸ ابزال-اق.
– بٸزدٸڭ تەاترلاردىڭ ەلەمدٸك دەڭگەيدەگٸ ورنى قانداي?
– كەشەگٸ تاقىر جەردەن تەاتر اشقان اعالارىمىزدىڭ مەكتەبٸ – ٶتە مىقتى مەكتەپ. ولار ۇلتتىق بولمىستىڭ تازا قاينارىنان ٶرٸپ شىعىپ, قازاقتىڭ ٶز ەلەمٸن كٶركەم دەڭگەيدە قايتا ٶزٸنە ۇسىندى. مەن ٶزٸمٸزدٸڭ مەكتەپ پەن ودان شىققان اكتەرلەردٸڭ شەتەلمەن سالىستىرعاندا ارتىق بولماسا, كەم تٷسكەن تۇستارىن بايقاعان جوقپىن. شەتەلدەرگە شىعا جٷرٸپ قازاق تەاتر مەكتەبٸنٸڭ مىقتى ەكەنٸنە كٶزٸم جەتتٸ. شەتەلدەردە ٶنەر كٶرسەتكەنٸمٸزدە حالىق ورنىنان تٸك تۇرىپ قۇرمەت كٶرسەتٸپ جاتادى. قازٸر بٸزدٸڭ تەاتردى ەلەم تانيدى. بٸزدٸڭ مەكتەپتٸڭ ەۋەزوۆ پەن مٷسٸرەپوۆ نەگٸزٸن سالىپ كەتكەن سارا جولى بار. بٸزدٸڭ باتىس پەن ورىستارعا نەگٸزدەلٸپ, سولارداعى ەلەمەنت پەن جاڭاشىلدىقتى العىمىز كەپ تۇرادى. بٸز, كەرٸسٸنشە, ولاردان قاشۋىمىز كەرەك. بٸزدەر ولاردان نە الدىق دەپ ەمەس, ولارعا نە ۇسىنامىز دەپ ويلاۋىمىز كەرەك. ال ولاردىڭ الارى, بٸزدٸڭ بەرەرٸمٸز قايسى? ولارعا نەنٸ كەسە كٶلدەنەڭ تارتامىز? ول ەۋەزوۆ پەن مٷسٸرەپوۆ نەگٸزٸن قالاعان مەكتەپ بولۋى تيٸس. قازاقستانداعى بارلىق تەاترلار ەۋەزوۆ تەاترىنان بٶلٸنٸپ شىققان. سول سەبەپتٸ بٸزدەر ەكە-تەاتر سانالامىز. ياعني, باس تەاتر. بٷگٸندە باس تەاتر بابىندا دەپ سەنٸمدٸ تٷردە ايتا الامىن.
– سٸز اكتەر رەتٸندە تەاترعا ادالدىق تانىتىپ كەلەسٸز. كينو سالاسىندا بٸرنەشە سەريالدان كٶرگەنٸمٸز بولماسا, كٶزگە تٷسپەيسٸز. كينوعا تٷسۋگە قۇلقىڭىز جوق پا, ەلدە ۇسىنىس تٷسپەي جٷر مە?
– مەن ماماندىعىم بويىنشا كينو جەنە تەاتر اكتەرٸمٸن. كينوعا تٷسۋدٸ ۇناتپايمىن دەسەم, ارتىق ايتقاندىق بولار. مەن و باستا تەاتردىڭ بوساعاسىن اتتاعانىمدا الدىڭعى بۋىن اعا-اپالارىمىزدىڭ ايتقان سٶزدەرٸ: «وسى تەاتر سەنٸڭ تٶرٸڭ بولسىن», – دەگەن ەدٸ. بٸز سول كٸسٸلەردٸڭ تەاتر ساحناسىن ٶز ٷيٸنٸڭ تٶرٸندەي كٶرگەن ەز مەكتەبٸنەن ٶتتٸك قوي. الدىمەن اعالاردىڭ قولىنا سۋ قۇيىپ, سول كٸسٸلەردٸڭ باتاسىن الدىق. ول كٸسٸلەر بٸزگە كٶبٸنەسە تەاترعا دەگەن ادالدىقتى ايتاتىن. تەاتردى ەشتەڭەمەن ايىرباستاماۋ تۋرالى. اعالاردىڭ ايتقان اقىلىن بۇلجىتپاۋعا انت ەتكەنبٸز.
كينو سالاسىندا ماعان اسا بٸر سۇرانىستا جوق. بٸرنەشە سەريالعا تٷستٸك. بٸراق مەنٸڭ قاتىپ قالعان قاعيدام, تەرتٸبٸم بار. تەلەۆيدەنيە دە بولسىن, كينودا بولسىن مەن باسقا جەردە جۇمىس ٸستەگەندە, تەاترعا كەدەرگٸم تيمەسە ەكەن دەيمٸن. مەن ٷشٸن تەاتر تٶرٸندەي قۇدٸرەتتٸ ەلەم جوق. ۇستازدارىم سونى ٷيرەتتٸ. سوندىقتان مەنٸڭ ساناما سٸڭٸپ قالعان بولۋى كەرەك. مەن ٷشٸن بٸرٸنشٸ كەزەكتە تەاتر تۇرادى. بەرٸمٸز سۇحبات بەرگەن كەزٸمٸزدە مىقتىمىز عوي, قاتىرامىز. ال كٷندەلٸكتٸ تٸرلٸگٸمٸزدە سٶز بەن ٸس قابىسپاي جاتادى. بٸزدٸڭ اكتەرلەردٸڭ كٶبٸ كينوعا تٷسٸپ جاتادى. ولار نەگە كينو مەن تەاتردى بٸرگە الىپ جٷرمەسكە, تەاترداعى جۇمىسىما كەدەرگٸ كەلتٸرٸپ جاتقان جوقپىن عوي دەيدٸ. بوس سٶز. سولاردىڭ تالايى ٷشٸن وسى جەردە ايعاي-شۋ بولعان. تالاي رەت تەاتر ساحناسىنا ۋاقتىلى كەلمەي قالعان كەزدەرٸ دە بار. سونىڭ بەرٸن جاسىرىپ, جاۋىپ قويعان بولاتىنبىز. بۇل ٶزٸمٸزدٸڭ قاتەلٸگٸمٸز. ٸشٸمٸزدە بۇعىپ جاتا بەرەدٸ. ولار سونان كەيٸن سۇحبات بەرگەن كەزدە «مەنٸڭ تەاترعا دەگەن ادالدىعىم سۇمدىق» دەپ بەتٸ بٷلك ەتپەستەن سايراپ بەرەدٸ. ٶزٸمٸزدەن كەيٸنگٸ بۋىندى تەربيەلەۋ – بٸزدٸڭ مٸندەتٸمٸز. كەي كەزدەرٸ اقىل ايتىپ, دۇرىس جولعا سالعىڭ-اق كەلەدٸ. ولار بولسا, ٶزٸڭە اقىل ايتۋعا قۇشتار. «بەكجان اعامىزدىڭ جاستارعا كٶڭٸلٸ تولمايدى» دەپ ايتۋى مٷمكٸن.
«مەنٸڭ سٸز سيياقتى بولعىم كەلمەيدٸ, بۇل نە تٸرلٸك» دەيتٸندەر دە كەزدەسەدٸ. تالعامعا تالاس جوق. تاڭداعان جولى ٶزٸنە ۇناسا, بٸز نە ٸستەمەكپٸز?
قۇدايعا شٷكٸر, اللا تاعالام تەاتردان بولسا دا ٶز نەسٸبەمدٸ بەرٸپ, حالىق ورتاسىندا جاۋاپكەرشٸلٸگٸمدٸ ارتتىردى.
اكتەر قالاي بولۋى كەرەك? دٷنيەدەن وزعانىنا كٶپ بولماعان ەش-اعامىز (ەشٸربەك سىعاي) ايتقانداي, ول ەنشٸ, جىرشى, كٷيشٸ بولۋى كەرەك, ول تاريحشى بولۋى كەرەك. نەمەسە سول ٶنەردٸ تەرەڭ زەردەلەي الاتىن قابٸلەتٸ بولعانى جٶن. ٶكٸنٸشكە وراي, قازٸرگٸ جاستارىمىز مۇندايعا سالعىرتتىق تانىتادى. ٶيتكەنٸ, كٸتاپ وقىمايدى. ٶزٸنٸڭ تەگٸن, ۇرقىن بٸلمەيتٸن ۇرپاق ٶسٸپ كەلەدٸ. ٶزٸنٸڭ تاريحىن بٸلمەگەن ادام – تامىرسىز داراق دەرسٸز. ولار كٶپ بولسا, ٶنەردٸڭ دە كٶسەگەسٸ كٶگەرمەيدٸ.
– سٸز ويناعان رٶلدەردٸ حالىق جىلى قابىلدايدى. كەيبٸر كٶرەرمەندەردٸڭ «بەكجان تۇرىس ويناعان شەمشٸنٸ, قوجاناسىردى كٶرۋ ٷشٸن كەلدٸك» دەگەنٸن دە ەستٸپ قالامىز. تاريحي, كلاسسيكالىق, زاماناۋي كەيٸپكەرلەردٸڭ كٶبٸن ويداعىداي الىپ شىقتىڭىز. بەلگٸلٸ بٸر رٶل تاپسىرىلعاندا, وعان قالاي دايىندالاسىز?
– ويناعان رٶلدەرٸمنٸڭ ەرقايسىسى مەن ٷشٸن قىمبات. ەڭ باستىسى, ساحناعا الىپ شىققان دٷنيەلەرٸمنٸڭ بەرٸ كٶرەرمەننٸڭ كٶڭٸلٸنەن شىعىپ جاتسا, ەڭبەگٸمنٸڭ ەلەنگەنٸ, جۇمىسىمنىڭ نەتيجەسٸ دەپ ويلايمىن. وبراز سومداعاندا شىنايى بەرٸلۋدٸڭ ٶزٸ ٷلكەن دٷنيە. ەربٸر رٶلدٸ العان كەزٸمدە وعان ٷلكەن دايىندىقپەن كەلەمٸن. ول كەزدە مەن بەرٸن ۇمىتام, سونىڭ جەتەگٸندە كەتەم. ادام بالاسىنىڭ بٸر عانا ٶمٸرٸ بولاتىن بولسا, اكتەر ادامداردىڭ ٶمٸرٸ ەكەۋ. بٸرٸ – ٶز باسىنىڭ تٸرشٸلٸگٸ, ەكٸنشٸسٸ – شىعارماداعى كەيٸپكەرلەر. بٸز دە كەيدە سول كەيٸپكەرلەرمەن ٶمٸر سٷرەمٸز. شىن تالانتتىڭ ويىندا باسقا دٷنيە بولماۋى كەرەك. قازٸر بٸز دٷنيەنٸ كٷيتتەپ كەتتٸك. قايتسەك تۇرمىستى تٷزەيمٸز, قايتسەك باييمىز دەپ. ەرينە, كٸم تۇرمىسىنىڭ جامان بولعانىن قالايدى دەيسٸز. جاقسى بولامىن, ودان دا جاقسى بولامىن دەپ جٷرٸپ, بٸر كٷنٸ بۇرق ەتە قالامىز. مەن ىلعيدا كەيٸپكەرلەرٸممەن بٸر جٷرەمٸن. ولارمەن سىرلاسۋ, سۇحباتتاسۋدان ارتىق باقىت جوق. كەيدە ماعان نەگە وي ٷستٸندە جٷرەسٸڭ دەپ ايتىپ جاتادى. قاي كەزدە دە ويسىز, مۇڭسىز ادامنان ەشتەڭە دە شىقپايتىنى بەلگٸلٸ. ويسىزدىق – بار ادامنىڭ جاۋى. بٸر وبرازدى الىپ شىققان سوڭ, ەكٸنشٸسٸنٸڭ ەلەمٸنە ەنۋ ٷشٸن بارىمىزدى سالامىز.
– سٶزٸڭٸزدەن اڭداعانىم, سوڭىڭىزدان ەرگەن جاس اكتەرلەرگە قويار تالابىڭىز قاتاڭ سەكٸلدٸ... سٸزدەردەن كەيٸنگٸ تولقىننىڭ بويىنان قانداي قاسيەتتٸ كٶرەسٸز? ۇلت تەاترىن كٶركەيتەر جاستار كٸم دەسە, كٸمدەردٸڭ ەسٸمٸن اتار ەدٸڭٸز?
– جاستاردىڭ بەرٸن بٸر شىبىقپەن ايداپ, كٶڭٸلٸم تولمايدى دەسەم اسىلىق بولار. ٸزدەنگٸش, ٶزٸنە قاتاڭ تالاپ قويعىش جاستار بار. ٶكٸنٸشتٸسٸ, كٶپ ەمەس. ٶنەردەگٸ ونىڭ ويناعان رٶلٸ جاقسى شىعار, بٸراق ٶزٸنٸڭ جاقسى ادام بولىپ قالىپتاسۋى بٶلەك نەرسە. ٶمٸردە جاقسى ادام بولا السا عانا, ودان جاقسى اكتەر شىعادى. اكتەر قالاي بولۋى كەرەك? دٷنيەدەن وزعانىنا كٶپ بولماعان ەش-اعامىز (ەشٸربەك سىعاي) ايتقانداي, ول ەنشٸ, جىرشى, كٷيشٸ بولۋى كەرەك, ول تاريحشى بولۋى كەرەك. نەمەسە سول ٶنەردٸ تەرەڭ زەردەلەي الاتىن قابٸلەتٸ بولعانى جٶن. ٶكٸنٸشكە وراي, قازٸرگٸ جاستارىمىز مۇندايعا سالعىرتتىق تانىتادى. ٶيتكەنٸ, كٸتاپ وقىمايدى. ٶزٸنٸڭ تەگٸن, ۇرقىن بٸلمەيتٸن ۇرپاق ٶسٸپ كەلەدٸ. ٶزٸنٸڭ تاريحىن بٸلمەگەن ادام – تامىرسىز داراق دەرسٸز. ولار كٶپ بولسا, ٶنەردٸڭ دە كٶسەگەسٸ كٶگەرمەيدٸ. مەسەلە جاقسى رٶلدٸ بٸر رەت ويناپ شىعۋ ەمەس. ادام بٸر عانا جاقسى رٶلمەن تاريحتا قالۋىنا بولادى. ونداي دەڭگەيگە جەتۋ ٷشٸن ۇشان-تەڭٸز بٸلٸم مەن رۋحي تازالىق قاجەت. باياعىدا ەشٸربەك اعامىز ايتاتىن: «اكتەر ادامىنىڭ جانى نەزٸك حرۋستال سيياقتى, ار جاعى كٶرٸنٸپ تۇرادى, ابايلاماساڭ سىنىپ كەتەدٸ» دەپ. كەيدە حرۋستالدٸڭ ٸشٸ-سىرتىن شاڭ بٷركەپ قالمادى ما ەكەن دەگەن وي سانانى سان ساققا جٷگٸرتەدٸ.
م. ەۋەزوۆ: «سەنٸڭ ينستيتۋت بٸتٸرگەنٸڭمەن, ۇستازدىق مەكتەپتەن ٶتپەۋٸڭ مٷمكٸن, ول – قاسٸرەت» دەگەن ەكەن. جٷسٸپبەك ايماۋىتوۆ بولسا: «قارا قازاقتىڭ مەدەنيەتتٸ بولۋىنان, مەدەنيەتتٸ ادامنىڭ قازاق بولۋى قيىن» دەپتٸ. بٸلگەنٸ بولعانمەن, كٶرگەنٸ جوق, الىم-بەرٸمٸ بولعانمەن, ٶنەگەسٸ جوق ديپلومدى دٷبەرالار كٶبەيٸپ كەتتٸ. «ادام بوپ ٶتۋ – پارىز» ەكەنٸن ۇمىتتىق. كەيدە بٸزدە جالعان سٶيلەيمٸز, تەمٸر-تەرسەك پەن اتاقتىڭ, تانىمالدىلىقتىڭ قۇربانى بولامىز. بيلٸكتٸڭ تاستاعان سٷيەگٸنە مەز بولامىز. تٸپتٸ, سول جالعاندىقتىڭ جولىندا ٶنەردٸ قۇربان ەتۋگە ارلانبايتىن بولىپ بارامىز. بٸزدەگٸ ٸشتٸ ٷڭگيتٸن كٷيزەلٸس سول.
– قازاق تەاترىنا جاڭا لەپ ەكەلگەن رەجيسسەر قايرات سٷگٸربەكوۆ تۋرالى كٶپ ايتىلمايدى. زامانداسىڭىزدىڭ جارىق دٷنيەدەن ٶتكەنٸنەن دە بٸراز جىلدىڭ جٷزٸ بولدى. تالانتتى ۋاقىتىندا باعالاماۋ, تانىماۋ ۇلت بويىنداعى ورنى تولماس كەمشٸلٸك ەمەس پە وسى?
– قايرات جارق ەتٸپ سٶنگەن جۇلدىز بولدى عوي. قازاقتىڭ باعىنا تۋعان جٸگٸت ەدٸ. تەاترعا ٶز مەنەرٸندەگٸ جاڭا ٶرٸس الىپ كەلدٸ. مەن ونىڭ ەكٸ-ٷش سپەكتاكلٸندە وينادىم. ٶتە بٸر ٸزدەنٸمپاز, كەڭٸنەن ويلاپ, اكتەرلەرمەن بٸرٸگٸپ جٷمىس ٸستەيتٸن جاقسى قاسيەتٸ بار ەدٸ. جٷرەگٸ دە تازا ازامات بولاتىن. مٷمكٸن, ورىندى-ورىنسىز سىنداردى كٶتەرە الماعان بولار. كٸم بٸلەدٸ? مٷمكٸن, جٷيكەسٸ مەن جٷرەگٸنە جٷك تٷسكەن دە شىعار. ەرتە ٶمٸردەن ٶتٸپ كەتتٸ. ٶزٸ بالا سيياقتى بولاتىن. بٸر نەرسە بولماي جاتسا جىلاپ سالا بەرەتٸن. بٸزدەر قايراتتىڭ جىلاعانىنا تاڭ قالىپ, كٷلٸپ جٷرەتٸنبٸز. بولمىسىندا قاعٸلەز, ەلدەكٸمدەردەي كٷپسٸنٸپ, ٸسٸنبەيتٸن, جٷرەگٸنە سىزات تٷسٸرمەگەن, تۇنىعىنان تەبەن كٶرٸنەتٸن تابيعي تازا قالپى بار بولاتىن. كەيدە بٸزدەر اسىلدارىمىزدىڭ قادٸرٸن عاسىر ٶتكەن سوڭ عانا باعالايتىنىمىز بار. كەيدە سولار ٶلمەيتٸندەي, ٶلسە قايتٸپ كٶڭٸلگە ەنبەيتٸندەي كٶرەمٸز. ال ٶلگەن سوڭ قىسىر سٶزدەر, جالعان ارحيۆ, قۇرعاق قاعازدارعا بوي الدىرىپ جاتامىز. ارامىزدا ەلٸ دە سونداي ازاماتتار بار. سولاردى تٸرٸسٸندە باعالاۋىمىز كەرەك.
سۇحباتىڭىزعا راحمەت!
سۇحباتتاسقان نۇرسەرٸك تٸلەۋقابىل
