تۇركىستان وبلىسىندا جەر تەلىمىنىڭ شەكاراسىن زاڭسىز ور قازىپ قورشاعان جالپى اۋماعى 41 876،5 گەكتار 139 جەر تەلىمى انىقتالدى، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

اتالعان جەر پايدالانۋشىلار ق ر جەر كودەكسىنىڭ 140 بابىنىڭ تالاپتارىن بۇزىپ، ياعني جەردى زاڭسىز ءبۇلدىرىپ، جەردىڭ قۇنارلى قاباتىن بۇزىپ، سىدىرىپ الىپ قورشاعان ورتاعا زيان كەلتىرۋدە.

ولارعا ق ر اكىمشىلىك قۇقىق بۇزۋشىلىق كودەكسىنىڭ 337-بابىنا سايكەس، قورشاعان ورتاعا كەلتىرگەن زيان سوماسى مولشەرىندە ايىپپۇل سالىنىپ، جەرلەرى سوت ارقىلى ماجبۇرلەپ مەملەكەتكە قايتارىلادى. بۇل تۋرالى بۇگىن بايدىبەك اۋدانىنداعى پرەسس-تۋر اياسىندا تۇركىستان وبلىسىنىڭ جەر ينسپەكسياسى باسقارما باسشىسىنىڭ مىندەتىن اتقارۋشى التىنبەك مىرزايەۆ مالىمدەدى.

سونىمەن قاتار، ق ر ەكولوگيالىق كودەكستىڭ 5-بابىنىڭ 7-تارماعى، 95-بابىنىڭ 7 تارماعى جانە 108-بابىنىڭ 2-تارماعىنا سايكەس، قورشاعان ورتانى قورعاۋ سالاسىنداعى ۋاكىلەتتى ورگاننىڭ لاۋازىمدى ادامدارى قورشاعان ورتاعا زالال كەلتىرۋ فاكتىسىن انىقتاپ، قاجەتتى ماتەريالداردى جيناۋ مەن تالداۋدى جۇرگىزەدى.

سونداي-اق، كەلتىرىلگەن زالالعا ەكونوميكالىق باعالاۋدى بەلگىلەيدى جانە 117-باپتىڭ 8-تارماعىنا سايكەس، تۇلعالاردى اكىمشىلىك نەمەسە قىلمىستىق جاۋاپقا تارتۋ تۋرالى ماتەريالداردى ءتيىستى ورگاندارعا جولدايدى.

قورشاعان ورتاعا كەلتىرىلگەن شىعىن قۇنىنىڭ مولشەرىنە بايلانىستى قىلمىستىق كودەكستىڭ 333-بابىنا سايكەس، قىلمىستىق جاۋاپكەرشىلىكە تارتىلۋ كوزدەلگەن. سونىمەن قاتار، زاڭسىز جەر پايدالانۋشىلارمەن قازىلعان جەرلەردى قالپىنا كەلتىرۋ ءۇشىن رەكۋلتيۆاسيا جۇرگىزىلەتىن بولادى.