وتىرار اۋدانىندا «اrm Wind» ءجشس-ى 100 گەكتار اۋماققا 50 مۆت كۇن ەلەكتر ستانسياسىنىڭ قۇرىلىس جۇمىستارىن باستادى. جوبانىڭ جالپى قۇنى 14 ملرد 700 ملن تەڭگە. ستانسيا جۇمىسى تولىق اياقتالعاندا تۇراقتى 50 جاڭا جۇمىس ورنى اشىلاتىن بولادى، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

اۋداندا بيىل «تانساري ترەدينگا» ج ش س جوعارعى سۇرىپتى باقشا ونىمدەرىن ءوندىرۋ كەشەنىنىڭ قۇرىلىسى باستالادى. جوبا قۇنى 1 ملرد 700 ملن تەڭگە. وندا تۇراقتى 153، ال ماۋسىمدىق 350 جۇمىس ورنى اشىلادى دەپ كۇتىلۋدە. قازىرگى تاڭدا جوبانى كاسىپكەرلەردى قولداۋ كارتاسىنا ەنگىزۋ جۇمىستارى جۇرگىزىلۋدە. جوبا 2023 جىلى قارعالى اۋىل وكرۋگىنە قاراستى اۋداننىڭ يندۋستريالدى ايماعىندا ىسكە قوسىلماق.

سونىمەن قاتار، 2020 جىلدىڭ قورىتىندىسىمەن اۋدانداعى اۆتوموبيل جولدارىنىڭ قاناعاتتانارلىق دەڭگەيى 63،9 پايىزدى قۇراعان. بيىل جەرگىلىكتى بيۋدجەت ەسەبىنەن 252 ملن تەڭگەگە 21 ىشكى كوشەگە ورتا جوندەۋ جۇمىستارى جۇرمەك. وتكەن جىلى ءابۋ ناسىر ءال-فارابيدىڭ 1150 جىلدىعىن اتاپ ءوتۋ جونىندەگى ءىس-شارالار جوسپارىنىڭ اياسىندا تۋريستىك باعىتتاعى كۇرەجولدىڭ بويىن اباتتاندىرۋ جۇمىستارىن باستالعان. بيىل وسى ماقساتتاعى جۇمىستار جالعاساتىن بولادى.