ونىڭ ايتۋىشا، باسپانا كەزەگىندە تۇرعانداردىڭ باسىم بولىگى حالىقتىڭ الەۋمەتتىك جاعىنان وسال توپتارىنا جاتاتىن ازاماتتار.
– قازىرگى تاڭدا، ءبىر عانا تۇركىستان قالاسىنىڭ وزىندە مەملەكەتتىك تۇرعىن ءۇي قورىنان باسپانا الۋعا 13 010 ادام كەزەكتە تۇر. ونىڭ ىشىندە 3 258ء-ى كوپبالالى وتباسىلار، 5 565ء-ى حالىقتىڭ الەۋمەتتىك وسال توپتارى، 4001ء-ى بيۋدجەتتىك ۇيىمداردىڭ قىزمەتكەرلەرى، 185ء-ى جەتىم بالالار مەن اتا-اناسىنىڭ قامقورلىعىنسىز قالعان بالالار جانە 1ء-ى باسپاناسى اۆاريالىق جاعدايدا دەپ تانىلعان ازامات. زاڭ تالاپتارىنا ساي وسى اتالعان ازاماتتاردى ۇيمەن قامتاماسىز ەتۋ جۇمىستارى جۇرگىزىلىپ كەلەدى، – دەدى ب.توقبەرگەن ۇلى.
سونداي-اق، ءوز كەزەگىندە «وتباسى بانك» تۇركىستان وبلىسى بويىنشا فيليالى ديرەكتورىنىڭ ورىنباسارى ءامىر نۇرمۇقانوۆ ءۇي كەزەگىندە تۇرعان ازاماتتارعا مەملەكەتتىك باعدارلامانىڭ شاراپاتى كوپتەپ ءتيىپ جاتقانىن ءسوز ەتتى.
– وڭىردە «وتباسى بانكى» ارقىلى جىلىنا 2 پايىزدىق جەڭىلدەتىلگەن نەسيەمەن ءۇي الۋ ءۇشىن كوپبالالى، تولىق ەمەس وتباسىلار مەن مۇگەدەك بالالاردى تاربيەلەپ وتىرعان وتباسىلار ءۇشىن «باقىتتى وتباسى» باعدارلاماسى ىسكە اسىرىلۋدا. بيىلدىڭ وزىندە اتالعان جوبا بويىنشا 1 269 وتباسى ءوتىنىش ءبىلدىردى. ال، ءۇي كەزەگىندە تۇرعان ازاماتتاردىڭ قالعان ساناتتارى ءۇشىن «5-10-25» باعدارلاماسى جۇمىس ىستەيدى. ماسەلەن، وتكەن جىلى وسى جوبامەن وبلىس ورتالىعىندا 336 پاتەر ساتىلدى. بيىلدىڭ وزىندە 66 پاتەرگە كونكۋرس جاريالاندى، ناتيجەلەرى ماۋسىم ايىندا انىقتالادى. سونىمەن قاتار، تۇركىستان قالاسىندا تۇرعىن ءۇي «7-20-25» باعدارلاماسىمەن 63 وتباسى تۇرعىن ءۇي ساتىپ السا، 9 پاتەر بويىنشا قايتا كونكۋرس جاريالاندى، – دەدى ا.قيزات ۇلى.
ايتا كەتەيىك، مەملەكەتتىك جانە بيۋدجەتتىك قىزمەتكەرلەردى تۇرعىن ۇيمەن قامتاماسىز ەتۋ بويىنشا جۇرگىزىلگەن جۇمىستىڭ ناتيجەسىندە وتكەن جىلى 336 پاتەر، بيىل 125 پاتەر ۇلەستىرىلگەن. سونداي-اق، وسى جىلى وڭىردە كوممۋنالدىق تۇرعىن ۇيگە كەزەكتە تۇرعان 137 ازامات تۇرعىن ۇيمەن قامتاماسىز ەتىلدى.
