وبلىس ەكٸمٸ اماندىق باتالوۆتىڭ تاپسىرماسى بويىنشا گازداندىرۋمەن اينالىساتىن بارلىق كومپانييالار ٶز جۇمىسىن قايتا قۇردى.
الماتى وبلىسىنىڭ قالالارى مەن اۋىلدارىن گازداندىرۋ توقتاتىلعان جوق, كٶگٸلدٸر وتىن ايماق تۇرعىندارىنىڭ ٷيلەرٸ مەن پەتەرلەرٸنە ٷزدٸكسٸز قوسىلاتىن بولادى.
بٷگٸنگٸ تاڭدا ٶڭٸر حالقىنىڭ 56% - ى كٶگٸلدٸر وتىنعا قول جەتكٸزدٸ. گازداندىرۋ جىلى اياسىندا وبلىس ەكٸمٸنٸڭ تاپسىرماسى بويىنشا وبلىستىڭ ەلدٸ مەكەندەرٸن گازداندىرۋ بويىنشا بەلسەندٸ جۇمىستار جٷرگٸزٸلۋدە.
اعىمداعى جىلى ەسكەلدٸ اۋدانىنىڭ قارابۇلاق اۋىلىن گازداندىرۋ جوسپارلانۋدا. گاز قۇبىرىنىڭ ۇزىندىعى جٷز الپىس كيلومەتردەن اسادى. بۇل دەگەنٸمٸز, تابيعي گازعا 15 مىڭعا جۋىق ابونەنت قول جەتكٸزە الادى دەگەن سٶز.
ال جامبىل اۋدانىندا بٷگٸنگٸ تاڭدا جيىرما ەلدٸ مەكەندە گاز جەلٸلەرٸ جٷرگٸزٸلٸپ, گازداندىرۋ جۇمىستارى جٷرگٸزٸلۋدە. بارلىعى 61 ەلدٸ مەكەن قامتىلادى.
قاراساي اۋدانىندا 22 ەلدٸ مەكەنگە گاز تارتىلادى. ورتاشا پايىزى 73,4% قۇرايدى.
بيىلعى جىلى تالعار اۋدانىنىڭ 43 ەلدٸ مەكەنٸ كٶگٸلدٸر وتىنمەن قامتاماسىز ەتٸلەدٸ.
ەڭبەكشٸقازاق اۋدانىندا 65 ەلدٸ مەكەن تۇرعىندارى تابيعي گازعا قول جەتكٸزەدٸ. ايتا كەتۋ كەرەك, كٶپتەگەن جوبالار مەملەكەتتٸك-جەكە مەنشٸك ەرٸپتەستٸك اياسىندا جٷرگٸزٸلەدٸ. وعان وبلىس ەكٸمٸ اماندىق باتالوۆ ٷلكەن كٶڭٸل بٶلۋدە.
مىسالى, ٶڭٸردە مەملەكەتتٸك-جەكە مەنشٸك ەرٸپتەستٸك شەڭبەرٸندە توعىز جوبانى ٸسكە اسىرۋ باستالدى, اتاپ ايتقاندا: باقاناس, سارىٶزەك, اقتاس, اقدالاس, جالعىزىس, دوستىق (فرۋنزە) اۋىلدارىن, ٷشتٶبە, تەكەلٸ قالالارىن گازداندىرۋ, سونداي-اق "بايسەركە-قاپشاعاي"گاز قۇبىرىنان جەتٸگەن كەنتٸنە دەيٸن جەتكٸزۋشٸ گاز قۇبىرىن سالۋ.
وبلىستىق بيۋدجەتتەن وبلىستىڭ ەلدٸ مەكەندەرٸندە كەنتٸشٸلٸك گازبەن جابدىقتاۋ جەلٸلەرٸ قۇرىلىسىنىڭ 46 جوبالىق-سمەتالىق قۇجاتتاماسىن ەزٸرلەۋگە 1,4 ملرد. تەڭگە بٶلٸندٸ.
