Oblys ákimi Amandyq Batalovtyń tapsyrmasy boiynsha gazdandyrýmen ainalysatyn barlyq kompaniialar óz jumysyn qaita qurdy.
Almaty oblysynyń qalalary men aýyldaryn gazdandyrý toqtatylǵan joq, kógildir otyn aimaq turǵyndarynyń úileri men páterlerine úzdiksiz qosylatyn bolady.
Búgingi tańda óńir halqynyń 56% - y kógildir otynǵa qol jetkizdi. Gazdandyrý jyly aiasynda oblys ákiminiń tapsyrmasy boiynsha oblystyń eldi mekenderin gazdandyrý boiynsha belsendi jumystar júrgizilýde.
Aǵymdaǵy jyly Eskeldi aýdanynyń Qarabulaq aýylyn gazdandyrý josparlanýda. Gaz qubyrynyń uzyndyǵy júz alpys kilometrden asady. Bul degenimiz, tabiǵi gazǵa 15 myńǵa jýyq abonent qol jetkize alady degen sóz.
Al Jambyl aýdanynda búgingi tańda jiyrma eldi mekende gaz jelileri júrgizilip, gazdandyrý jumystary júrgizilýde. Barlyǵy 61 eldi meken qamtylady.
Qarasai aýdanynda 22 eldi mekenge gaz tartylady. Ortasha paiyzy 73,4% quraidy.
Biylǵy jyly Talǵar aýdanynyń 43 eldi mekeni kógildir otynmen qamtamasyz etiledi.
Eńbekshiqazaq aýdanynda 65 eldi meken turǵyndary tabiǵi gazǵa qol jetkizedi. Aita ketý kerek, kóptegen jobalar memlekettik-jeke menshik áriptestik aiasynda júrgiziledi. Oǵan oblys ákimi Amandyq Batalov úlken kóńil bólýde.
Mysaly, óńirde memlekettik-jeke menshik áriptestik sheńberinde toǵyz jobany iske asyrý bastaldy, atap aitqanda: Baqanas, Saryózek, Aqtas, Aqdalas, Jalǵyzys, Dostyq (Frýnze) aýyldaryn, Úshtóbe, Tekeli qalalaryn gazdandyrý, sondai-aq "Baiserke-Qapshaǵai"gaz qubyrynan Jetigen kentine deiin jetkizýshi gaz qubyryn salý.
Oblystyq biýdjetten oblystyń eldi mekenderinde kentishilik gazben jabdyqtaý jelileri qurylysynyń 46 jobalyq-smetalyq qujattamasyn ázirleýge 1,4 mlrd. teńge bólindi.
