«ادەتتەگىدەي ازاماتتاردى قابىلدادىم. قالا تۇرعىندارى قوزعايتىن نەگىزگى پروبلەمالاردى ەسكەرە وتىرىپ، وسىعان دەيىن «جانۇيا» وتباسى ينستيتۋتىن قولداۋ ورتالىعىن (الەۋمەتتىك سۇراقتار)، تۇرعىن ءۇي سالاسىندا قىزمەت كورسەتەتىن ءبىرىڭعاي ورتالىعىن، «iQala» قالالىق قىزمەت كورسەتۋ ورتالىعىن اشتىق. بۇل ورتالىقتار قالا تۇرعىندارىنىڭ باسىم بولىگىن كومەكپەن قامتۋعا مۇمكىندىك بەرەدى.
مەملەكەت باسشىسىنىڭ تاپسىرماسى بويىنشا الەۋمەتتىك قولجەتىمدى تۇرعىن ۇيلەردىڭ، سول سياقتى ءبىلىم بەرۋ مەن مەديسينا مەكەمەلەرىنىڭ قۇرىلىس كولەمى ەداۋىر ۇلعايدى، ەلدى مەكەندەردى جوسپارلى تۇردە دامىتۋ، كوپىرلەر مەن جول سالۋ، ينجەنەرلىك ينفراقۇرىلىمداردى جۇرگىزۋ سەكىلدى وزگە دە جۇمىستار جۇزەگە اسىپ جاتىر.
قالامىز تۇرعىنداردىڭ اتسالىسۋىمەن دامىپ كەلەدى. ازاماتتاردى جەكە قابىلداۋلاردان بولەك، ەلوردانى ارالاۋ، اۋداندىق كەزدەسۋلەر سەكىلدى جيىنداردا دا تۇرعىندارمەن كەزدەسەمىز.
ماسەلەلەردىڭ ءبىر بولىگى بيىل شەشىلەدى، ال قالعان بولىگى الداعى جىلدارعا جوسپارلانادى. سەبەبى جۇيەلى پروبلەمالاردى شەشۋ ءۇشىن كوبىرەك ۋاقىت قاجەت: جوبالاۋ-سمەتالىق قۇجاتتامانى دايىنداۋ، مەردىگەردى انىقتاۋ، قارجى ءبولۋ. مىنە وسىدان كەيىن عانا قۇرىلىس جۇمىستارى قولعا الىنادى»، - دەپ جازدى ەلوردا اكىمى.
