«Ádettegidei azamattardy qabyldadym. Qala turǵyndary qozǵaityn negizgi problemalardy eskere otyryp, osyǵan deiin «Januia» otbasy institýtyn qoldaý ortalyǵyn (áleýmettik suraqtar), turǵyn úi salasynda qyzmet kórsetetin biryńǵai ortalyǵyn, «iQala» qalalyq qyzmet kórsetý ortalyǵyn ashtyq. Bul ortalyqtar qala turǵyndarynyń basym bóligin kómekpen qamtýǵa múmkindik beredi.
Memleket basshysynyń tapsyrmasy boiynsha áleýmettik qoljetimdi turǵyn úilerdiń, sol siiaqty bilim berý men meditsina mekemeleriniń qurylys kólemi edáýir ulǵaidy, eldi mekenderdi josparly túrde damytý, kópirler men jol salý, injenerlik infraqurylymdardy júrgizý sekildi ózge de jumystar júzege asyp jatyr.
Qalamyz turǵyndardyń atsalysýymen damyp keledi. Azamattardy jeke qabyldaýlardan bólek, elordany aralaý, aýdandyq kezdesýler sekildi jiyndarda da turǵyndarmen kezdesemiz.
Máselelerdiń bir bóligi biyl sheshiledi, al qalǵan bóligi aldaǵy jyldarǵa josparlanady. Sebebi júieli problemalardy sheshý úshin kóbirek ýaqyt qajet: jobalaý-smetalyq qujattamany daiyndaý, merdigerdi anyqtaý, qarjy bólý. Mine osydan keiin ǵana qurylys jumystary qolǵa alynady», - dep jazdy elorda ákimi.
