2026 جىلعى 25 اقپاندا جەتٸسۋ وبلىستىق سوتىنىڭ قىلمىستىق ٸستەر جٶنٸندەگٸ اپەللياتسييالىق القاسى 33 جاستاعى ايزات جۇمانوۆانىڭ ٶلٸمٸنە قاتىستى ٸس بويىنشا جەبٸرلەنۋشٸ تاراپتىڭ شاعىمىن قارادى. مارقۇمنىڭ تۋىستارى ٸستٸ قايتا سارالاپ, ونىڭ جۇبايىنا تاعايىندالعان جازانى قاتاڭداتۋدى سۇراعان, دەپ حابارلايدى Dalanews.kz.
اپەللياتسييالىق سوت بٸرٸنشٸ ساتىداعى ٷكٸمدٸ ٶزگەرٸسسٸز قالدىردى.
ايتا كەتەيٸك, قايعىلى وقيعا 2025 جىلدىڭ جازىندا جەتٸسۋ وبلىسى اقسۋ اۋدانىنداعى اۋىلداردىڭ بٸرٸندە بولعان. وتباسىلىق جانجال بارىسىندا ەر ادام ەيەلٸن اياۋسىز سوققىعا جىققان. العان جاراقاتتارى سالدارىنان ەيەلٸ كٶز جۇمدى.
بيىل 9 قاڭتاردا سوت ايبار جانبولاتتى قىلمىستىق كودەكستٸڭ 99-بابىنىڭ 1-بٶلٸگٸ بويىنشا كٸنەلٸ دەپ تانىپ, وعان ورتاشا قاۋٸپسٸزدٸك مەكەمەسٸندە 14 جىل باس بوستاندىعىنان ايىرۋ جازاسىن تاعايىنداعان بولاتىن.
الايدا جەبٸرلەنۋشٸ تاراپ سوت ٷكٸمٸمەن كەلٸسپەي, جازانى قاتاڭداتۋدى تالاپ ەتكەن ەدٸ. ولار ٸستٸ نەعۇرلىم اۋىر باپ بويىنشا قايتا سارالاۋ قاجەت ەكەنٸن العا تارتقان.
