2026 jylǵy 25 aqpanda Jetisý oblystyq sotynyń qylmystyq ister jónindegi apelliatsiialyq alqasy 33 jastaǵy Aizat Jumanovanyń ólimine qatysty is boiynsha jábirlenýshi taraptyń shaǵymyn qarady. Marqumnyń týystary isti qaita saralap, onyń jubaiyna taǵaiyndalǵan jazany qatańdatýdy suraǵan, dep habarlaidy Dalanews.kz.
Apelliatsiialyq sot birinshi satydaǵy úkimdi ózgerissiz qaldyrdy.
Aita keteiik, qaiǵyly oqiǵa 2025 jyldyń jazynda Jetisý oblysy Aqsý aýdanyndaǵy aýyldardyń birinde bolǵan. Otbasylyq janjal barysynda er adam áielin aiaýsyz soqqyǵa jyqqan. Alǵan jaraqattary saldarynan áieli kóz jumdy.
Biyl 9 qańtarda sot Aibar Janbolatty Qylmystyq kodekstiń 99-babynyń 1-bóligi boiynsha kináli dep tanyp, oǵan ortasha qaýipsizdik mekemesinde 14 jyl bas bostandyǵynan aiyrý jazasyn taǵaiyndaǵan bolatyn.
Alaida jábirlenýshi tarap sot úkimimen kelispei, jazany qatańdatýdy talap etken edi. Olar isti neǵurlym aýyr bap boiynsha qaita saralaý qajet ekenin alǵa tartqan.
