ەلىمىزدە كوروناۆيرۋس پاندەمياسى كەزىندە ورىن العان توتەنشە جاعدايدا جەرلەستەرىن ۇمىتپاي، نۇر-سۇلتان قالاسىنان تاعام تيەلگەن ارنايى جۇك كولىكتەرى 200 قاپ ۇن، 200 دانا 5 ليترلىك سۇيىق ماي جانە 200 دانا 5 كەلىلىك ماكارون ونىمدەرىن ەشكىمدى بولە-جارماي بارلىعىنا ۇلەستىرىپ بەردى.
تۇرعىندار ءوز اۋىلىنان شىققان ازاماتقا شىنايى العىستارىن ءبىلدىردى.
كوپ بالالى انا رايحان قۇساينوۆا «وسىنداي قيىن كەزدە، الىستا جۇرسەدە، ءبىزدى، جەرلەستەرىن ۇمىتپاي، كومەگىن بەرگەن ايدىن مىرزاعا ريزاشىلىعىمى شەكسىز. ءارقاشاندا تەك وسىنداي جاعدايدا عانا ەمەس، ۇنەمى كىندىك قانى تامعان تۋعان اۋىلىنا قول ۇشىن بەرىپ تۇرادى» دەيدى.
ەلىمىزگە جومارتتىعىمەن دە تانىلعان ايدىن ءجۇمادىل ۇلى جالپى كوكپەكتى اۋدانىنا جان-جاقتى كومەكتەر كورسەتىپ تۇرادى.
بۇگىنگى كۇنى ونىڭ دەمەۋشىلىگىمەن ءۇش جىل بويى قۇلىنجون اۋىلىنداعى ورتا مەكتەپتىڭ بارلىق وقۋشىلارى تەگىن ىستىق تاماقپەن قامتىلىپ وتىر.
سونىمەن قاتار 2016 جىلى 108 بالا وقيتىن وسى مەكتەپكە كۇردەلى جوندەۋ جۇمىستارىن جۇرگىزىپ بەرگەن. جانە اۋىل تۇرعىنادرىنا قاجەت تراكتور تىركەمەسىمەن سىيعا تارتقان.
ۇنەمى جىراقتا جۇرسەدە تۋعان جەرىن ۇمىتپاعان ازاماتقا قۇلىنجون اۋىلدىق وكرۋگىنىڭ اكىمى سامارقان دەمەسىن ۇلى «ايدىن مىرزانىڭ جومارتتىعىندا شەك جوق.
اۋىلى دەسە ىشكەن اسىن جەگە قوياتىن ازامات. تەك ءبىزدىڭ اۋىلعا نەمەسە اۋدانعا عانا ەمەس، ەلىمىزدىڭ ءار تۇكپىرىندەگى جاندارعا قول ۇشىن بەرۋدە. مىنە بۇگىن اۋىلىمىزعا ءورت ءسوندىرۋ كولىگىن تارتۋ ەتتى. ءبىز وسىنداي ازاماتىزبەن ماقتانامىز جانە كەيىنگى بۋىنعا ۇلگى ەتۋدەمىز» دەدى سامارقان اعامىز.
ءيا، ۇلكەن بايلىقپەن ادامعا ۇلكەن قايىرىم بىتپەيدى، كەرىسىنشە، ۇلكەن قايىرىمدىلىق - جيناعان بايلىعىڭدى ابىرويلى ەتەدى.
ايتا كەتەيىك كوروناۆيرۋسپەن الدىڭعى شەپتە كۇرەسىپ جۇرگەن اق حالاتتى ابزال جانداردى قولداۋ ماقساتىندا ايدىن راحىمبايەۆ ەلىمىزدە العاشقىلاردىڭ ءبىرى بولىپ 100 ميلليون تەڭگە بولگەن بولاتىن.
سونىمەن قاتار مەديسينالىق قىزمەتكەرلەرگە نۇر-سۇلتان قالاسىنداعى «HILTON» قوناق ءۇيىن پايدالانۋعا بەرگەن ەدى.
قۋانىش راحمەتوللا ۇلى
سەمەي قالاسى
